سانحہ کرائسٹ چرچ ،مساجد پر حملے کی ویڈیوز کیوں شیئر کیں.عدالت نے شہری کو جیل بھیج دیا

نیوزی لینڈ :عدالت کا رواں سال مارچ میں دو مساجد پر حملے کی ویڈیوز شیئر کرنے والے شخص کو جیل بھیج دیا . کرائسٹ چرچ کی النور اور لین ووڈ مسجد پر آسٹریلوی نژاد 28 سالہ برینٹن ٹیرنٹ نے حملہ کرکے 51 نمازیوں کو شہید جبکہ 80 سے زائد کو زخمی کردیا تھا۔اس واقعے کے چند دن بعد نیوزی لینڈ پولیس نے حملہ آور کو گرفتار کرکے عدالت میں پیش بھی کیا تھا اور اُن پر الزامات بھی لگائے گئے تھے۔حملہ آور نے مساجد پر حملے کے دوران واقعے کی ویڈیو فیس بک پر براہ راست چلائی تھی۔دہشت گرد حملے کی اسی ویڈیو کو شیئر کرنے والے افراد میں کرائسٹ چرچ کے 44 سالہ کاروباری شخص فلپ آرپس بھی شامل تھے۔یاد رہے کہ کرائسٹ چرچ پر حملے کے بعد دنیا بھر میں انتہا پسند عیسائیوں کی اسلام دشمنی کی شدید مزمت کی گئی .

نیوزی لینڈ کی وزیر اعظم نے اس موقع پر مسلمانوں سے ہمدردی کا اظہار کرتے ہوئے کرائسٹ چرچ کے مجرموں کو قرار واقعی سزا دینے کا اعلان کیا تھا. نیوزی لینڈ کی وزیر اعظم کے اس فیصلے کو اسلامی دنیا می بہت سراہا گیا .کرائسٹ چرچ پرحملے کے بعد نیوزی لینڈ میں ملک میں انتہا پسندی کے خلاف سخت نفرت پائی جانے لگی .وزیر اعظم نے ملک میں آئندہ ایسے کسی بھی سانحہ سے بچنے کے لیے سخت قانون سازی کی ہے .نیوزی لینڈ کی وزیر اعظم نے ملک میں‌مسلمانوں کی مساجد اور دیگر مراکز کی سیکورٹی بڑھانے کا اعلان بھی کیا ہے.