نیوزی لینڈ نے سری لنکا کو ٹی 20 میچ میں شکست دیدی

کولمبو (اے پی پی) نیوزی لینڈ نے ٹور میچ میں سری لنکا بورڈ پریذیڈنٹ الیون کو 33 رنز سے ہرا دیا.

تفصیلات کے مطابق نیوزی لینڈ کی کرکٹ ٹیم نے سری لنکا کے خلاف تین ٹی ٹونٹی میچوں کی سیریز سے قبل کھیلے گئے ٹور میچ میں سری لنکا بورڈ پریذیڈنٹ الیون کی ٹیم کو 33 رنز سے ہرا کر میزبان ٹیم کے لئے خطرے کی گھنٹی بجا دی۔ نیوزی لینڈ کی ٹیم نے پہلے کھیلتے ہوئے مقررہ 20 اوورز میں 6 وکٹوں کے نقصان پر 168 رنز بنائے. کولن منرو 48 اور ٹیلر ناقابل شکست 53 رنز کے ساتھ نمایاں بلے باز رہے۔ جواب میں سری لنکا بورڈ پریذیڈنٹ الیون کی ٹیم مقررہ 20 اوورز میں 9 وکٹوں پر 135 رنز بناسکی۔ یوں کیویز ٹیم نے سری لنکا بورڈ پریذیڈنٹ الیون کی ٹیم کو ٹور میچ میں 33 رنز سے ہرا دیا۔ نیوزی لینڈ کی طرف سے سکاٹ نے 4 اور ٹم ساﺅتھی نے 3 کھلاڑیوں کو پویلین کی راہ دکھائی۔