ندا یاسر ایک بار پھر سوشل میڈیا صارفین کے نشانے پر

مارننگ شو کی ہوسٹ ، اداکارہ اور پروڈیوسر ندا یاسر ایک مرتبہ پھر سوشل میڈیا صارفین کی تنقید کی زد میں آگئیں-

باغی ٹی وی : اکثر ہی ندا یاسر سوشل میڈیا پر تنقید کا نشانہ بنتی رہتی ہیں کبھی وہ سوشل میڈیا صارفین سے الجھ پڑتی ہیں کبھی حساس معاملے پرمارننگ شو کرکے تنقید کی زد میں آجاتی ہیں تو کبھی وہ مارننگ شو کے دفاع میں کچھ نہیں دیکھتیں اور بھرپورغصے کا اظہاربھی کرتی ہیں۔

اس بارندا یاسر اور یاسر نواز نے اپنی بیٹی صلحاء کی سالگرہ دبئی میں منائی جہاں انہوں نے سالگرہ کا بہترین انتظام کروایا۔

اداکارہ کو مداحوں نے اس وقت تنقید کا نشانہ بنایا جب انہوں نے بیٹی کی سالگرہ پربیٹی سے زیادہ خود پراوراپنے شوہریاسر نوازپرفوکس کیا۔

ندا یاسرنے انسٹاگرام پر ایک ویڈیو شئیر کی جس میں سالگرہ پر لی گئی تصاویر سلائیڈز میں دکھائی دے رہی ہیں جو دیکھتے ہی سوشل میڈیا پرکافی تصوریں وائرل ہوگئیں تاہم ان تصاویر میں ندا کی بیٹی موجود ہی نہیں اورساری تصاویرمیں صرف وہی مختلف پوزکرتی ہوئی نظرآرہی ہیں۔

ایک صارف نے لکھا کہ بیٹی کی سالگرہ خود ہی پوزکررہے ہیں، بیٹی کو بھی موقع دیں، ایک صارف نے لکھا کہ جس کی سالگرہ وہ کہاں ہے؟ ایک صارف نے لکھا کہ اس سب میں صلحاء کہاں ہیں؟

ایک صارف نے لکھا کہ سالگرہ تو بیٹی کی ہے پردکھائی صرف ندا یاسرہی دے رہی ہیں جب کہ ایک اورصارف نے کہا کہ کیا آپ دونوں کی شادی کی سالگرہ ہے؟