نگران وزیراعظم سے نیدر لینڈز کے وزیر اعظم کی ملاقات

نگران وزیر اعظم انوارالحق کاکڑ سے نیدر لینڈز کے وزیر اعظم مارک روٹے کی ملاقات ہوئی

ملاقات اٹھائیسویں کانفرنس آف پارٹیز کے موقع پر ہوئی،ملاقات میں دو طرفہ تعلقات، افغانستان کی صورتحال پر تبادلہ خیال کیا گیا،ملاقات میں باہمی دلچسپی کے بین الاقوامی اور علاقائی امور پر بھی گفتگو کی گئی،ملاقات میں غزہ میں بگڑتی ہوئی انسانی حقوق کی صورتحال پر بھی تبادلہء خیال کیا گیا،دونوں رہنماؤں نے سفارتی تعلقات کے قیام کے 75 سال مکمل ہونے پر اسلام آباد اور دی ہیگ میں منعقد ہونے والی تقریبات کو سراہا

Caretaker Prime Minister Anwaar-ul-Haq Kakar has attended the opening session of the World Climate Action Summit.

On this occasion, the Prime Minister held informal talks with various world leaders including British Prime Minister Mr. Rishi Sunik.#COP28 #PMKakarAtCOP28 pic.twitter.com/3nxTGJlyPz

— Prime Minister's Office (@PakPMO) December 1, 2023

نگران وزیراعظم انوارالحق کاکڑ کا کہناتھا کہ پاکستان اور نیدر لینڈز کو باہمی دلچسپی کے امور پر دوطرفہ اور یورپی یونین کے ذریعے مل کر کام کرنا چاہیے، وزیراعظم نے ڈچ کمپنیوں کو زراعت، باغبانی، پانی کے انتظام اور قابل تجدید توانائی کے شعبوں میں سرمایہ کاری کرنے کی دعوت دی،دونوں رہنمائوں نے دوطرفہ تعلقات میں اضافے کی رفتار پر اطمینان کا اظہار کیا، وزیر اعظم نے کاپ 28 کے حوالے سے بہتر نتائج کی امید کا اظہارکیا، اور کہا کہ کم کاربن خارج کرنے والے ممالک میں سے ایک ہونے کے باوجود پاکستان موسمیاتی تبدیلی کے خطرات کا شکار ہے،وزیراعظم نے نیدرلینڈز کے وزیراعظم کو دورہ پاکستان کی دعوت بھی دی