کوئٹہ میں بروری پولیس تھانے کے عملے نے پولیس اہلکار کے نجی سیل پر چھاپہ مار کر چار نوجوانوں کو بازیاب کرا کر تین ملزمان کو بھی گرفتار کر لیا، جن سے اسلحہ بھی برآمد کیا گیا۔
باغی ٹی وی : نجی سیل کے ایک کمرے سے بازیاب 4 نوجوان لڑکوں نے پولیس کو بتایا کہ انہیں چوری کے چھوٹے مقدمے میں پکڑ کر اس گھر میں قید کیا گیا تھا ثناءاللہ نامی پولیس اہلکار نے ہمیں تھانے کے بجائے یہاں منتقل کیا اور جھوٹے مقدمے میں ہمیں اعترا ف یا پیسے دینے کے لئے تشدد کا نشانہ بنایا گیا جبکہ دوران قید ہم سے بدفعلی کرنے کی کوشش بھی کی گئی۔
ایف آئی آر کے مطابق ملزمان نے چاروں نوجوانوں کو گزشتہ 3 دن سے بند کر رکھا تھا، پولیس اہلکار نوجوان لڑکوں کو تھانے کے بجائے نجی سیل منتقل کرتا تھا،جبکہ پولیس کا کہنا ہے کہ چوتھے ملزم پولیس اہلکار کی گرفتاری کے لئے چھاپے جاری ہیں، پولیس نے گرفتار ملزمان کے خلاف مقدمہ درج کرکے تحقیقات شروع کر دی ہیں-
