وزیر سائنس اور ٹیکنالوجی فواد چوہدری کا کہنا ہے کہ وزارت سائنس و ٹیکنالوجی نے اسٹریمنگ ویب سائٹ کا کافی کام مکمل کرلیا ہے اور وزارت نے پاکستان الیکٹرنک میڈیا ریگولیٹری اتھارٹی (پیمرا) سے مواد آن ایئر کرنے سے متعلق ہدایات تیار کرنے کو کہا ہے۔

باغی ٹی وی :حکومت کی جانب سے اسٹریمنگ ویب سائٹ شروع کیے جانے کے اعلان کے بعد شوبز شخصیات سمیت سیاسی و سماجی شخصیات نے بھی حکومتی اعلان کا خیر مقدم کیا تھا۔

اگرچہ تاحال حکومت کی جانب سے اسٹریمنگ ویب سائٹ متعارف کرائے جانے سے متعلق کوئی پیش رفت سامنے نہیں آ سکی تاہم خبریں ہیں کہ ایک نجی ڈیجیٹل میڈیا پلیٹ فارم بھی جلد اسٹریمنگ ویب سائٹ متعارف کرائے گا۔

خبریں ہیں کہ ای میکس میڈیا نامی ڈیجیٹل پلیٹ فام جلد ہی نیٹ فلیکس کی طرح کی ویب سائٹ اردو فلکس متعارف کروائے گا۔

پرو پاکستانی نے اپنی رپورٹ میں ایک اور ویب سائٹ کی خبر کا حوالہ دیتے ہوئے بتایا کہ ای میکس میڈیا گروپ کے بانی فرحان گوہر نے تصدیق کی کہ ان کا گروپ جلد ہی اسٹریمنگ ویب سائٹ متعارف کرائے گا۔

پاکستانی رقوم کسی ٹیکس کے بغیر باہر جانے پرزی فائیو پر پابندی لگا ئی وفاقی وزیر برائے سائنس و ٹیکنالوجی فواد چوہدری

رپورٹ میں بتایا گیا کہ ڈیجیٹل میڈیا گروپ جو پہلے ہی اسٹریمنگ ویب سائٹ چلا رہا ہے وہ نیٹ فلیکس طرز کی ویب سائٹ اردو فلکس متعارف کرائے گا جس میں خالصتاً اردو ڈرامے، فلمیں، دستاویزی فلمیں، کامیڈی اور ریئلٹی شوز سمیت ترکی کے اردو زبان میں ترجمہ کیے گئے ڈرامے نشر کیے جائیں گے۔

پاکستان میں بھارتی اسٹریمنگ ویب سائٹ زی فائیوسمیت دیگر بھارتی مواد کی سبسکرپشن…

ابھی یہ واضح نہیں ہے کہ اردو فلکس کو کب تک متعارف کرایا جائے گا، تاہم ابتدائی طور پر اس کی ویب سائٹ بھی متعارف کرادی گئی ہے، جس پر تاحال کوئی بھی مواد موجود نہیں ہے۔

خیال کیا جا رہا ہے کہ اردو فلکس کو رواں سال کے اختتام یا سال نو کے موقع پر متعارف کرایا جائے گا اور ابتدائی طور پر ویب سائٹ پر پاکستان کے مقبول ڈرامے اور فلمیں پیش کی جائیں گی۔

ابھی یہ کہنا قبل از وقت ہے کہ اردو فلکس کی ماہانہ فیس کتنی ہوگی، تاہم خیال کیا جا رہا ہے کہ اس کی ماہانہ 750 سے لے کر 1200 تک ہوسکتی ہے-

ویب سیریز چڑیلز کو پاکستان میں بین کرنے پر شوبز شخصیات کا سخت رد عمل

پاکستان میں چڑیلز بین کئے جانے پر ہدایتکار عاصم عباسی اور شائقین برہم

چڑیلز کو پاکستان میں بین کر دیا گیا