لاہور:اب پرائیویٹ اسکولزکونصاب پڑھانے کےلیے این اوسی لینا ضروری ہوگیا ،اطلاعات کے مطابق وزیرتعلیم پنجاب مراد راس نے کہا ہے کہ پرائیویٹ اسکولز جو نصاب پڑھارہے ہیں ان کی این اوسی لے۔
سوشل میڈیا پر پنجاب کی نصابی کتاب اور پرائیویٹ اسکولز کے نصاب کے حوالے سے جاری بحث پر وزیرتعلیم نے واضح کیا کہ پرائیویٹ اسکولز میں سرکاری نصاب نہیں پڑھایاجاتا ہے اور پرائیویٹ اسکولزکو ان کے اپنے نصاب پڑھانے سے نہیں روکا۔
انہوں نے کہا کہ حکومت کے لیے والدین کومطمئن کرنا اہم ہے پرائیویٹ اسکولز میں جونصاب پڑھایاجارہاہے اس کی این اوسی کی بات کی ہم نےکہاکہ پرائیویٹ اسکولز جو نصاب پڑھارہے ہیں ان کی این اوسی لے۔
مراد راس نے کہا کہ نصابی کتابوں پر تصاویر کومتنازع نہ بنایا جائے مارے ملک میں 10قسم کے نصاب پڑھائے جارہے تھے جب کہ دنیا کے اکثر ممالک میں ایک ہی نصاب پڑھایاجاتاہے۔
ان کا کہنا تھا کہ ہم نے جنرل نالج کواردو میں رکھا ہم تعلیمی اداروں میں اصلاحات لارہےہیں۔
Leave a reply
