+9251
معروف ڈرامہ آرٹسٹ نعمان مسعود نے حال ہی میںسماء ٹی وی کے شو میںشرکت کی .اس میںانہوں نے بتایا کہ انہوں نے کراچی کیوں چھوڑا؟ انہوں نے کہا کہ میری والدہ کا جب انتقال ہوا تو کراچی رہنے کو دل ہی نہیں کیا . میں نے اس شہر کو ہی چھوڑ دیا کیونکہ ان کی گنت یادیں میرا پیچھا نہیں چھوڑتیں. انہوں نے کہا کہ میری والدہ مجھے ایسا لگتا ہے کہ آج بھی زندہ ہیں اور میرے اردگرد ہی کہیں رہتی ہیں. میں ان کی قبر پر بھی جاتا ہوں لیکن دل نہیں مانتا کہ ماں دنیا میں نہیں رہی. انہوں نے کہاکہ میری والدہ نے انتقال سے قبل بہت تکلیف دہ وقت دیکھا.
”ان کو کینسر تھا اور کینسر بھی آخری سٹیج کا تھا،” میں جب بھی ان کو ہسپتال ملنے کےلئے جاتا تھا تو کبھی ان کی گردن میںپائپ لگا ہوتا تھا اور کبھی ان کے گردوں میں. میری ماں نے جتنا مشکل وقت گزارا میں تو ایک رات ویسی نہیں گزار سکتا. دوران شو نعمان مسعود اپنی والدہ کو یاد کرکے رو پڑے. انہوں نے کہا کہ میری والدہ میری جان اور میری دوست تھیں ان کے جانے کے بعد خود کو کافی اکیلا محسوس کرتا ہوں. خدا سب کی مائوں کو سلامت رکھے. ماں کے جانے کا دکھ کوئی مجھ سے پوچھے.
