گاڑیوں کی امپورٹ کی آڑ میں حوالہ ہنڈی کی تحقیقات میں ایف آئی اے نے کراچی کے علاقے کلفٹن میں کے 4 شو رومز کو نوٹس جاری کردیا اور ایف آئی اے ذرائع کے مطابق کمرشل بینکس سرکل کے عملے نےکلفٹن میں کارروائی کے دوران 2 قیمتی گاڑیاں سیز کر دیں۔
جبکہ نجی ٹی وی کے مطابق حکام کے مطابق کلفٹن میں قیمتی امپورٹڈ گاڑیوں کا کاروبار کرنے والے 4 شو رومز کو نوٹس جاری کیا گیا ہے اور انہیں تین اکتوبر کو ایف آئی اے کمرشل بینکس سرکل طلب کیا گیا ہے۔ تاہم نوٹسز میں شوروم مالکان کو گاڑیوں کی درآمد اور فروخت کے حوالے سے تمام ریکارڈ پیش کرنے کی ہدایت کی گئی ہے اور شوروم مالکان کو نوٹسز کے ساتھ پرفارمہ بھی فراہم کیا گیا ہے، جس میں مختلف تفصیلات طلب کی گئی ہیں
مزید یہ بھی پڑھیں؛
روپے کے مقابلے میں امریکی ڈالر کی قدر میں مزید کمی
پی ڈی ایم پر آرٹیکل 6،جنرل باجوہ کا احتساب
امریکی وزیرخارجہ بلینکن نے بجایا گٹار
اسرائیل کو تسلیم کرنے بارے امریکہ میں بھی سوالات ہوئے,نگران وزیر خارجہ
علاوہ ازیں شوروم مالکان کو گاڑی کا ماڈل، رجسٹریشن، رنگ، میکر اور چیسز فراہم کرنےکی بھی ہدایت کی گئی ہے اور اس سے قبل ایف آئی اے کا کمرشل بینکس سرکل خالد بن ولید روڈ پر بھی متعدد کاروائیاں کر چکا ہے۔
