ڈیرہ غازیخان: حکومت پنجاب لیوانکیشمنٹ کاظالمانہ نوٹیفکیشن فوری واپس لے- چوہدری مسعود احمد

ڈیرہ غازیخان(باغی ٹی وی ) ایپکا کی طرف سے احتجاج کا چوتھا دن،پنجاب بھر کی طرح ڈیرہ غازیخان میں بھی ایپکا کا احتجاج جاری،تمام دفاتر میں تالا بندی،ایپکا مرکزی آفس میں دھرنا اور احتجاجی ریلی نکالی گئی،مطالبات کی منظوری تک روزانہ کی بنیاد پر احتجاج جاری رکھنے کا اعلان،
تفصیلات کے مطابق پنجاب بھر کی طرح ڈیرہ غازیخان میں بھی صوبائی قیادت سے اظہار یکجہتی کیلئے مطالبات کی منظوری تک تمام دفاتر میں تالہ بندی کرتے ہوئے ایپکا مرکزی آفس میں دھرنا ،آل پاکستان کلرکس ایسوسی ایسشن کے مرکزی عہدیدار چوہدری مسعود احمد نے احتجاجی اجتماع سے خطاب کرتے ہوئے کہا کہ ہم نگران حکومت اس ظالمانہ اقدام کا نوٹیفیکیشن لینے تک احتجاجی دھرنا اور تالہ بندی جاری رہے گی ،

انہوں نے کہا کہ سپریم کورٹ ججز نے از خود سپریم کورٹ کے ججزسیمت تمام ملازمین کی تنخواہیں تین گنا بڑھا لیں ،وفاقی اور صوبائی حکومت نے سپریم کے اس اقدام پر کوئی نوٹس نہ لیاکیونکہ وہاں ان کے پرجلتے ہیں،نگران حکومت نے کھسیانی بلی کھمبا نوچے کے مصداق سپریم کورٹ کاتوکچھ نہیں بگارسکتی ،لیکن ساراغصہ ایک متنازعہ قانون بناکر غریب ملازمین پر مہنگائی کے دور میں ایٹم بم گرانکالا گیاا،

قانون سازی کرنا نگران حکومت کاکام نہیں ہے ،چوہدری مصعوداحمد نے پنجاب کی نگران حکومت خبردارکرتے ہوئے کہا کہ جاری کردہ ظالمانہ نوٹیفیکیشن فوری واپس لے ورنہ تمام دفاترکی تالہ بندی کرکے سخت احتجاج کیا جائے گا،اس احتجاج سے چوہدری مسعوداحمدکے علاوہ چوہدری منظور حسین،افتخار عباسی، منیر حسین لغاری و دیگر نے خطاب کرتے ہوئے کہا کہ پنجاب کے تمام ملازمین کی تنخواہیں وفاق و دیگر صوبوں کی طرز پر 35 فیصد اور پینشن 17.1/2 کے حساب سے بڑھائی جائیں لیو ان کیشمنٹ کا نوٹیفکیشن فوری واپس لیا جائے بیوہ کی تاحیات پینشن بحال کی جائے ، ملازمین کی پینشن میں کسی قسم کی قدغن نہ لگائی جائے اور ملازمین کی سالانہ انکریمنٹ بھی فوری بحال کی جائے ، شرکاء نے مطالبات کی منظوری تک تمام دفاتر میں روزانہ کی بنیاد پر تالہ بندی، دھرنے اور مکمل ہڑتال جاری رکھنے کا اعلان کیاہے