نرس نوزائیدہ بچہ چھین کر فرار، والدین دیکھتے رہ گئے

بوگوٹا : کولمبیا میں نومولود بچے کے اغوا کا ایک اور واقعہ سامنے آگیا، میڈیری اسپتال میں جعلی نرس والدین نے نوزائیدہ بچہ چھین کر فرار ہوگئی۔

غیر ملکی خبر رساں ادارے کی رپورٹ کے مطابق یہ واقعہ کولمبیا کے دارالحکومت بوگوٹا کے معروف اسپتال میڈیری میں پیش آیا، پولیس کا کہنا ہے کہ خاتون نے خود کو نرس ظاہر کیا اور والدین کے ہاتھ سے بچہ چھین پر فرار ہونے لگی۔

غیر ملکی میڈیا کا کہنا تھا کہ اسپتال میں لگے کیمرے میں واقعے کی ویڈیو محفوظ ہوگئی، جسے انتظامیہ نے سوشل میڈیا پر بھی شیئر کردیا۔

پولیس نے بتایا کہ ملزمہ موقع دیکھ کر نومولود کو جیکٹ میں چھپا کر اسمگل کرنے لے جارہی تھی، سیکیورٹی عملے نے گیٹ پر روکا تو ملزمہ نے خود کو نرس لیڈی جوہاننا ڈیز بتایا۔

پولیس نے واقعے کی تفصیل بتاتے ہوئے کہا کہ ملزمہ اسپتال کے چھٹی منزل پر گئی اور متاثرہ والدین سے کہا کہ اسے بچے کو کچھ ضروری ٹیسٹ کےلیے لے جانا ہے۔