اوچ شریف : دیرینہ رنجش پر دو گروپوں میں تصادم ، ایک نوجوان جاں بحق،3 شدید زخمی

اوچ شریف،باغی ٹی وی (نامہ نگارحبیب خان) دیرینہ رنجش پر دو گروپوں میں تصادم ، ایک نوجوان جاں بحق ، 3 شدید زخمی ، لاش پوسٹ مارٹم کے بعد ورثاء کے حوالے ، مقدمہ درج ، 3 ملزمان گرفتار ، دیگر کی گرفتاری کے لئے پولیس کے چھاپے جاری

تفصیلات کے مطابق اوچ شریف تھانہ کی حدود موضع بکھری میں دیرینہ رنجش پر لڑائی ہوئی لڑائی میں جھیبل برادری اور بھگلہ برادری کے مابین لڑائی ہوئی ڈنڈوں اینٹوں سمیت مکوں تھپڑوں کا آزادانہ استعمال کیا گیا

لڑائی کے دوران جھبیل برادری کے چار افراد شدید زخمی ہوئے زخمیوں میں سے سلیمان نامی نوجوان زخموں کی تاب نہ لاتے ہوئے ہسپتال پہنچنے سے قبل جاں بحق ہو گیا

پولیس تھانہ اوچ شریف موقع پر پہنچ کر بھگلہ برادری کے شیر ، شمیر ولد پیر بخش، برکت ولد بگو دل اور ولد خادم حسین، حسنین ، آصف دلاور خان محمد عطا اللہ ولد مشتاق، عرفان، خادم حسین، غلام حیدر، عرفان، سمیت دیگر افراد پر ایف آئی آر درج کرتے ہوئے تین افراد کو گرفتار کر کے حوالات میں بند کر دیا جبکہ دیگر ملزمان کی گرفتاری کے لئے پولیس چھاپے جاری ہیں

جاں بحق ہونے والے محمد سلیمان کی ڈیڈ باڈی پوسٹمارٹم کے بعد ورثاء کے حوالے کر دی گئی