او آئی سی نے بھارت میں مسلمانوں پرہونے والے تشدد کی مذمت کردی

ریاض :او آئی سی نے بھارت میں مسلمانوں پرہونے والے تشدد کی مذمت کردی ،اطلاعات کےمطابق اسلامی تعاون تنظیم نے بھارت میں پرتشدد مظاہروں کی مذمت کرتے ہوئے کہا ہےکہ بھارت انسانی جانوں کے ضیاع روکنے میں ناکام ہوگیا ہے اوربھارتی حکومت اس تشدد کوروکنے کے لیے مخلصانہ کوششیں نہیں کررہی

اپنے مذمتی بیان میں او آئی سی نے کہا ہےکہ بھارت میں مسلمانوں کے خلاف تشدد اورپھر اس کے نتیجے میں مسلمانوں کے شہید کرنے اوران کو زخمی کیا جارہا ہے ،اپنے بیان میں او آئی سی نے مذمت کرتے ہوئے کہا ہے کہ بھارت میں نہ مسلمانوں کی جان محفوظ ہے اورنہ مسلمانوں کا اسلام محفوظ ، مساجد پرحملے کیئے جارہے ہیں‌

اوآئی سی نے بھارت میں مظلوم اورمقہورخاندانوں سے ہمدردی کرتے ہوئے کہا ہےکہ بہت سے خاندانوں پربہت زیادہ مظالم سے بھارت کا چہرہ عیاں ہوگیا ہے

او آئی سی نے بھارتی وزیراعظم نریندرا مودی سے کہا ہے کہ وہ جلد از جلد ان پرتشدد کاررائیوں کو روکنے کے لیے اقدامات کریں اوراس بات کو یقینی بنائیں کہ مسلمان بھی محفوظ رہیں اورمسلمانوں کے مقدس مقامات بھی محفوظ رہیں‌