اسلام آباد:او آئی سی وزرائے خارجہ کانفرنس، اسلام آباد میں 3 چھٹیوں کا اعلان ،اطلاعات کے مطابق پاکستان میں ہونے والی اسلامی تعاون تنظیم (او آئی سی) وزرائے خارجہ کانفرنس کے لئے وفاقی حکومت نے اسلام آباد میں 3 چھٹیوں کا اعلان کردیا ہے۔
کابینہ ڈویژن نے 22 مارچ اور 24 مارچ کو عام تعطیل کا نوٹی فکیشن جاری کردیا ہے جس کے مطابق اسلام آباد کی حدود میں 22 اور 24 مارچ کو تمام سرکاری ادارے بند رہیں گے۔جاری کردہ نوٹیفکیشن کے مطابق 23 مارچ کو یوم پاکستان کی عام تعطیل ہوگی۔
سندھ حکومت کی جانب سے جاری نوٹیفکیشن میں کہا گیا ہے کہ 23 مارچ بروز بدھ صوبے بھر میں عام تعطیل ہوگی۔
یاد رہے کہ ’یوم پاکستان‘ پاکستان کی تاریخ کا بہت اہم دن ہے۔ 23 مارچ 1940 کو قرارداد پاکستان پیش کی گئی تھی۔قرارداد پاکستان کی بنیاد پر ہی مسلم لیگ نے برصغیر میں مسلمانوں کے جدا گانہ وطن کے حصول کیلئے تحریک شروع کی تھی اور سات برس کے بعد اپنا مطالبہ منظور کرانے میں کامیاب رہی۔
اسی قرار داد کے نتیجے میں اسلامی جمہوریہ پاکستان 14 اگست 1947 کو دنیا کے نقشے پر ابھرا۔
