بیروت: لبنان کے تیل کی تنصیبات میں پیٹرول کے ذخیرے میں اچانک خوفناک آگ بھڑک اُٹھی-
باغی ٹی وی : عالمی خبر رساں ادارے کے مطابق پیٹرول کے ذخیرے میں لگی آگ کو بجھانے کے لیے 25 فائر فائٹنگ ٹینکوں کو طلب کیا گیا-
رپورٹ کے مطابق لبنان کی تیل کی تنصیبات زُہرانی کے فیول ٹینک میں خوفناک آتشزدگی سے تیل کے شدید بحران کے شکار میں پیٹرول کی سپلائی میں مزید قلت کا خدشہ پیدا ہوگیا ہے۔
فضا میں طیارہ اور ہیلی کاپٹر آپس میں ٹکرا گئے
آتشزدگی کی اطلاع ملتے ہی فائر بریگیڈ کی 25 گاڑیاں جائے وقوعہ پر پہنچ گئیں۔ آگ پر قابو پالیا گیا ہے جس میں کوئی جانی نقصان نہیں ہوا۔ مالی نقصان کا اندازہ لگایا جا رہا ہے۔
پیٹرول کے ذخیرہ ٹینک میں آگ لگنے کی اطلاع پر وزیر توانائی ولید فیاض نے پہلے ردعمل میں کہا تھا کہ آگ فوج کے زیر استعمال فیول ٹینک میں لگی ہے تاہم جائے وقوعہ پر پہنچنے کے بعد میڈیا سے گفتگو میں اپنے پہلے بیان کو معلومات کی کمی قرار دیا۔
بلوچستان: زلزلے نے ہرنائی میں تباہی مچا دی 15 افراد جاں بحق 150 سے زائد زخمی
وزیر توانائی ولید فیاض نے میڈیا کے ذریعے عوام سے درخواست کی ہے کہ کسی افواہ پر کان نہ دھریں واقعے کی تحقیقات کی جارہی ہیں تاہم ابھی تک حادثے کی وجہ کا تعین نہیں کیا جا سکا۔
واضح رہے کہ لبنان میں پیٹرول بحران شدت اختیار کرگیا ہے اور اکثر ذخائر فوج کے پاس ہیں اور عوام کو تیل نہیں مل پا رہا ہے جس پر حکومت مخالف مسلح جماعتوں نے دھمکیاں بھی دی تھیں۔
