ہالی وڈ کی معروف اداکارہ اولیویا ڈی ہیوی لینڈ پیرس میں انتقال کر گئیں-
باغی ٹی وی : مشہور ہالی وڈ فلم ‘گون ود دا ونڈ سے شہرت پانے والی امریکی اداکارہ اولیویا ڈی ہیوی لینڈ 104 برس کی عمر میں پیرس میں انتقال کر گئیں-
اولیویا ڈی ہیوی لینڈ مشہور اداکارہ جین فونٹین کی بہن تھیں مگر فلمی دنیا میں ان کا اپنی بہن سے تنازع بھی رہا۔
اولیویا ڈی ہیوی لینڈ کو ہالی وڈ کے سنہری دور کی آخری زندہ اداکارہ تسلیم کیا جاتا تھا انہوں نے 1935 میں 19 برس کی عمر میں اداکاری کا آغاز کیا تھا۔
اولیوڈیا ڈے ہیوی لینڈ کی پیدائش کے فوری بعد ہی ان کے والدین برطانیہ سے امریکہ منتقل ہوگئے تھے اور وہ 2 دہائیوں تک امریکہ میں رہنے کے بعد 1950 کے بعد فرانس ( پیرس )منتقل ہوگئی تھیں۔
اولیویا نے 2 اکیڈمی ایوارڈ بھی حاصل کیے، یہ 2 ایوارڈ انہیں ‘ٹو ایچ یس اون اور ‘دی ہیئرس جیسی فلموں میں اداکاری پر ملے تھے وہ دوسری عالمی جنگ سے پہلے کے فلمی دور کی آخری بڑی اداکارہ تھیں۔
