اپوزیشن اتحاد کا پی ٹی آئی کو آزاد کشمیر سے ہمیشہ کیلئے دفن کرنے کا دعویٰ
جنت بلال کھر نے اپنی ٹوئیٹ میں دعویٰ کرتے ہوئے لکھا کہ؛ :فارورڈ بلاک کے امیدوار وزارت عظمی چوہدری محمد رشید کی اپوزیشن چیمبر آمد۔سابق وزیراعظم آزادکشمیر راجہ محمد فاروق حیدر خان اور اپوزیشن لیڈر لطیف اکبر سے بڑی تھپکی مل گئی۔اپوزیشن اتحاد نے پی ٹی آئی کو آزاد کشمیر میں ہمیشہ کے لیے دفن کر دیا۔”
https://twitter.com/jannat_khar/status/1647938356523794432
واضح رہے کہ صدر آزاد کشمیر بیرسٹر سلطان کی جانب سے چیئرمین پاکستان تحریک انصاف عمران خان سے بغاوت کے بعد قانون ساز اسمبلی میں قائد ایوان کے انتخاب کے لیے جنگ دلچسپ ہو گئی ہے۔ جبکہ قائم مقام وزیراعظم آزاد کشمیر خواجہ فاروق احمد نے پریس کانفرنس کرتے ہوئے دعویٰ کیا کہ ہمیں 27 سے زیادہ ممبران کی حمایت ہے، ہمارے دو ممبران اسمبلی کو اغوا کیا گیا۔
انہوں نے کہا کہ میں نے اس سے متعلق ایس ایس پی سے معلومات لی ہیں، ایس ایس پی نے کہا وہ انہیں صدر ہاؤس لے گئے ہیں، پی ٹی آئی کے منحرف اراکین کے خلاف قانونی کارروائی کریں گے۔ علاوہ ازیں قائم مقام وزیراعظم آزاد کشمیر خواجہ فاروق احمد کا کہنا تھا کہ صدر ریاست کے لیے لی جانے والی گاڑی کی خریداری ممکن نہیں، ریاست ابھی اس خریداری کی متحمل نہیں ہو سکتی۔
مزید یہ بھی پڑھیں؛
جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
برطانوی وزیرداخلہ کا پاکستانیوں کو جنسی زیادتی کا مجرم کہنا حقیقت کے خلاف ہے،برٹش جج
جماعت اسلامی سےمذاکرات،عمران خان کی ہدایات پر پی ٹی آئی کی تین رکنی کمیٹی قائم
بھارتی مسلمان رکن اسمبلی کوبھائی سمیت پولیس حراست میں ٹی وی کیمروں کے سامنے گولیاں ماردی گئیں
خواجہ فاروق احمد نے 62 کروڑ روپے سے زائد خرچ سے لاعلمی کا اظہار کرتے ہوئے کہا کہ وزیراعظم آزاد کشمیر کا سیکرٹ فنڈ 3 کروڑ روپے ہوتا ہے۔ خیال رہے کہ سابق وزیراعظم آزاد کشمیر سردار تنویر الیاس اپنا وزیراعظم لانا چاہتے ہیں جبکہ صدر بیرسٹر سلطان محمود آزاد کشمیر میں اپنا وزیراعظم لانے کے خواہاں ہیں۔
پی ٹی آئی کے دو دھڑوں میں تقسیم ہونے کے بعد مسلم لیگ ن اور پیپلز پارٹی نے بھی آزاد کشمیر کی قانون ساز اسمبلی میں اپنا قائد ایوان لانے کے لیے جوڑ توڑ شروع کر دی ہے۔
