چھاتہ بردار۔۔۔۔۔۔۔۔۔۔۔۔۔۔۔۔۔۔۔۔۔۔
ملتان میں آصفہ بھٹو زرداری کے سیاسی کیرئیر کے آغاز پر اسے ویسے ہی جذباتی انداز میں ویلکم کہا جارہا ہے جیسے کبھی ان کی والدہ کو اور انکی والدہ کے بعد بلاول بھٹو زرداری کو کیا گیا تھا پیپلز پارٹی کے جیالوں کو بلاول میں بھی بی بی کی تصویر دکھائی دی تھی اور اب آصفہ میں بھی بی بی دکھائی دے رہی ہیں
کچھ دنوں میں جیالوں کی ٹی شرٹ پر بلاول کے ساتھ ساتھ آصفپہ کی بھی تصویر پرنٹ ہوا کرے گی میرا خیال ہے کہ لیاری کے کسی موسیقار کو آصفہ کے لئے بھی کوئی خوبصورت دھن بنانے کے لئے کہا جا چکا ہوگا ایسی دھن، جس پر کراچی کے بلوچی اور سندھ کے دیہی علاقوں کے سندھی رقص کر سکیں
عوام کی قسمت میں یہی دیوانگی اور رقص رہ گیا ہے ان کا کام صرف دھمال ڈالنا ان سیاسی براہمنوں کے ہاتھ چومنا اور جوتے سیدھے کرنا ہے ان کے گھر میں آنکھیں کھولنے والے ختنوں سے پہلے قیادت کے حقدار ہو چکے ہوتے ہیں ان کا اکلوتا کمال انکی ولدیت کے خانے میں لکھا نام لکھا ہوتا پے یہی اکلوتی خوبی لاکھوں کروڑوں کی سو سو خوبیوں پر بھاری پڑتی ہے اگر آصفپہ زرادی صاحبہ بلاول ہاؤس کلفٹن کے بجائے مسان روڈ کیماڑی کے کسی گھر میں آنکھ کھولتی تو کیا اسے قوم کی قیادت کے لئے یوں گراؤنڈ ملتا ؟
آصفہ ایک پڑھی لکھی نوجوان لڑکی ہے لیکن اس کے پاس بے نظیر بھٹو اور آصف علی زداری کی صاحبزادی ہونے کے تعلق کے سوا کیا ہے کہ انہیں قوم کی قیادت کے لئے کھڑا کردیا جائے؟ آخر آصفہ نے سیاسی سفر کا آغاز پیپلز پارٹی لاڑکانہ یا کراچی کے کسی وارڈ سے کیوں نہیں کیا ؟پیپلز پارٹی کا مساوات کا نعرہ ابھی متروک نہیں ہوا پھر کیماڑی کی کسی آصفہ اور بلاول ہاؤس کی آصفہ کو سیاسی سفر کے لئے یکساں ماحول اور مواقع کیوں نہیں میسر؟ کسی اور آصفہ کے پاس وہ پیرا شوٹ کیوں نہیں جو بلاول ہاؤس کی آصفہ کے پاس ہے
سیاسی براہمنوں کے یہ چھاتہ بردار ہمیں قومی سیاست میں جا بجا دکھائی دیتے ہیں مسلم لیگ ن میں شہباز شریف صاحب،ان کے صاحبزادے اور اب مریم نوازصاحبہ ۔۔۔ مسلم لگ ق میں بزرگ سیاستدان چوہدری شجاعت صاحب کے بھائی بھتیجے۔۔۔ جے یو آئی میں مولانا فضل الرحمٰن صاحب کے بھائی اور صاحبزادے ۔۔۔ اے این پی میں اسفندیار ولی صاحب کے بعد انکے صاحبزادے اور حال ہی میں انتقال ہونے والے مولانا رضوی مرحوم کے بعد انکے صاحبزادے ۔۔۔۔
یہ جہوری جماعتیں ہیں یا بادشاہتیں، یہ سیاست کب سے وراثت ہونے لگی جمہورئت کے ماتم کرتی سیاسی پارٹیوں پر نظر ڈالیں تو موروثیت کے حمام میں سارے برہنہ ملیں گے،پاکستان تحریک انصاف،جماعت اسلامی،ایم کیو ایم مجلس وحدت مسلمین کو چھوڑ دیں باقی ہر جگہ سیاسی براہمن جمہورئت کا تماشہ لگائے ملیں گے اور ہم تالیاں بجاتے ۔۔۔۔!
احسان کوہاٹی
