وزیراعظم عمران خان نے کراچی کوبدلنے کےلیے 700 ارب کا پیکج دینے کا فیصلہ کرلیا

لاہور: وزیراعظم عمران خان نے کراچی کوبدلنے کےلیے 700 ارب کا پیکج دینے کا فیصلہ کرلیا،اطلاعات کےمطابق وزیراعظم عمران خان کراچی کو 700ارب پیکج دینے کا فیصلہ کرلیا،عمران خان جمعے کودورہ کراچی میں پیکج کا اعلان کریں گے، کراچی کیلئے وفاقی ، صوبائی حکومت اور فوج مشترکہ انتظامی نظام بھی تشکیل دے رہی ہے، جس کے بعد باقاعدہ کراچی بحالی پلان پر عملدرآمد شروع ہوجائے گا۔

وزیراعظم کی طرف سے اس بہت بڑے اعلان کے متعلق سینئر صحافی اور تجزیہ کار کامران خان نے اپنے تبصرے میں کہا کہ وزیراعظم عمران خان جمعے کے روز کراچی آرہے ہیں، کراچی نے پہلے اتنا شدت سے کبھی انتظار نہیں کیا جتنااس بار انتظار کیا جا رہا ہے۔

السلام وعلیکم وزیر اعظم عمران خان صاحب کراچی شدت سے جمعہ کاُمنتظر ہے سنا ہے آپ بالآخر آرہے ہیں ساتھ لا رہے 700 ارب رپوں کا کراچی بحالی پلان گزارش اتنی ہے صرف وہ اعلانات کیجیے گا جن پر عمل ہوتا نظر آیا کراچی میں آپکی اور PTI کی credibility مزید بگاڑ برداشت نہیں کر پائے گی شکریہ pic.twitter.com/uMrnsphuYu

— Kamran Khan (@AajKamranKhan) September 2, 2020

کامران خان کہتے ہیں کہ وزیراعظم جب کراچی آرہے ہیں، خبریں ہیں کہ عمران خان کراچی کے مسا ئل کے حل کرنے اور عوام کے زخموں پر مرہم رکھنے کیلئے ایک جامع منصوبہ بندی کے تحت آرہے ہیں،میری عمران خان سے درخواست ہے کہ جب عمران خان جمعے کو آئیں تووہ اعلانات کرنا جن پر عملدرآمد ممکن ہو،تاکہ حکومت کی مزید ساکھ خراب نہ ہو،معاف کرنا اس سے پہلے آپ نے بھی وعدے کیے، آپ کی پارٹی کے لوگوں نے وعدے کیے لیکن ان پر عمل نہیں ہوا۔

حالیہ دنوں میں تحریک انصاف کے ایک دو ارکان اسمبلی کے علاوہ باقی تمام کی کارکردگی انتہائی خراب رہی ہے۔امید ہے کہ بالآخر سندھ حکومت بھی عوام کی چیخوں کو سنے گی۔ مجھے بتایا گیا ہے کہ آپ کراچی کیلئے 700 ارب کا بحالی پلان لے کر آرہے ہیں۔

یاد رہے وزیر اعظم عمران خان جمعے کو کراچی کا دورہ کریں گے۔ وزیر اعظم عمران خان کی زیر صدارت وفاقی کابینہ اجلاس میں ملکی سیاسی اور معاشی صورتحال کا جائز لیا گیا۔وزیراعظم کو کراچی کی صورتحال امدادی کاموں پر بریفنگ دی گئی۔

ذرائع کے مطابق اس اہم موقع پر وزیر اعظم نے واضح کیا کہ کراچی کے عوام کو تنہا نہیں چھوڑ سکتا۔ وزیر اعظم نے بارش کے باعث موجود حالات پر تشویش کا اظہار کیا۔ وزیراعظم نے نالہ لئی کے بہتر انتظامات پر وزیراعلی کی توقعریف کی۔ وزیراعظم نے کہا کہ آٹا، چینی کی ترسیل مال گاڑی کی ذریعے کی جائے ۔ اسی طرح آرمی چیف جنرل قمر جاوید باجوہ بھی دورہ کراچی پر ہیں۔ وہ بھی پاک فوج کی طرف سے تمام ترتوانائیاں استعمال کرکے کراچی کوپھرسے مہکتا ، دمکتا اورپھلتا پھولتا شہربنانے کے عزم کااظہارکررہے ہیں