سعد فاروق
بھارتی ریاست اترپردیش کے شہر ایودھیا کی سول کورٹ نے معروف بھوجپوری گلوکارہ نیہا سنگھ راٹھوڑ کے خلاف دائر ’غداری‘ کا مقدمہ سماعت کے قابل نہ ہونے پر خارج کر دیا۔
باغی ٹی وی کے مطابق نیہا سنگھ راٹھوڑ کے خلاف اپریل کے آخر میں لکھنؤ میں "بھارتیہ نیئیا سنہتا”، "انفارمیشن ٹیکنالوجی ایکٹ” اور دیگر دفعات کے تحت مقدمہ درج کیا گیا تھا، جس میں غداری کی دفعات اور وزیر اعظم نریندر مودی، وزیر داخلہ سمیت اعلیٰ بھارتی حکام کی توہین کے الزامات شامل تھے۔
بھارتی میڈیا کے مطابق ایودھیا کی سول جج ایکتا سنگھ نے کیس کی سماعت کے بعد ریمارکس دیے کہ گلوکارہ پر اگر واقعی وزیر اعظم یا دیگر سرکاری افسران کی توہین کا الزام تھا تو مقدمہ صرف سرکاری وکیل کے ذریعے دائر ہونا چاہیے تھا، اور اس کے لیے حکومت کی پیشگی اجازت ضروری تھی، جو اس کیس میں حاصل نہیں کی گئی۔عدالت نے یہ بھی واضح کیا کہ نیہا سنگھ راٹھوڑ کے خلاف دائر مقدمہ ایک عام شہری کی جانب سے درج کرایا گیا، جو قانوناً درست طریقہ نہیں، اسی بنا پر مقدمہ ناقابل سماعت قرار دے کر خارج کر دیا گیا۔
الزام: ویڈیو میں وزیر اعظم مودی اور حکومت کو تنقید کا نشانہ بنایا گیا
یاد رہے کہ نیہا سنگھ راٹھوڑ نے اپریل میں مقبوضہ کشمیر کے علاقے پہلگام میں پیش آنے والے ایک واقعے پر تنقیدی ویڈیو جاری کی تھی، جس میں انہوں نے بھارتی حکومت اور وزیر اعظم نریندر مودی کو سخت تنقید کا نشانہ بنایا تھا۔ ویڈیو میں انہوں نے پہلگام واقعے کو "حکومت کا تیار کردہ ڈراما” قرار دیتے ہوئے الزام عائد کیا تھا کہ اسے بہار انتخابات میں ووٹ بٹورنے کے لیے استعمال کیا جا رہا ہے۔انہوں نے کہا تھا کہ “جو وزیر اعظم دنیا کی جنگیں ایک فون کال پر رکوانے کا دعویٰ کرتے ہیں، وہ اپنے ہی ملک میں ہونے والے واقعات کو روکنے میں ناکام ہیں۔”
حکومت پر تنقید، اظہارِ رائے یا غداری؟
نیہا سنگھ راٹھوڑ کا کہنا تھا کہ ایک جانب حکومت پہلگام واقعے کو بنیاد بنا کر ہمدردی سمیٹنا چاہتی ہے، تو دوسری طرف عوام کو ہدایت دی جا رہی ہے کہ وہ اس پر کوئی سوال نہ اٹھائیں۔ ان کے مطابق یہ طرز عمل جمہوریت کے اصولوں کے منافی ہے۔
پاک بھارت کشیدگی کے بعد اسلام آباد میں ہنگامی انتظامات
بھارت کا بزدلانہ حملہ، فرانسیسی اخبار نے بھارتی فضائیہ کی نااہلی کا پول کھول دیا
بھارتی جارحیت کا بھرپور جواب دیں گے، رافیل گرائے، 29 ڈرون تباہ کیے، عطاء تارڑ
نوازشریف کوشش کرتے ہیں کہ چیزیں ساری صلح صفائی کے ساتھ ہوں،خواجہ آصف
ریاست مخالف بیانیہ پھیلانے والے 500 سوشل میڈیا اکاؤنٹس کی نشاندہی
