قیام امن کی ہماری خواہش کو کمزوری نہ سمجھا جائے،وزیراعظم

اقبال اور پاک فضائیہ کے شاہین جھپٹنے، پلٹنے اور پلٹ کا جھپٹنے کو تیار،پاک فضائیہ اکیڈمی اصغر خان میں کیڈٹس کی گریجویشن پریڈ کی تقریب ہوئی،

وزیراعظم محمد شہباز شریف گریجویشن پریڈ کی پروقار تقریب کے مہمان خصوصی تھے، پاک فضائیہ کے سربراہ ایئر چیف مارشل ظہیر احمد بابر سدھو بھی اس موقع پر موجود تھے، وزیراعظم محمد شہباز شریف نے گارڈ کا معائنہ کیا اور پریڈ سے خطاب کیا، اکیڈمی سے 147 ویں جنرل ڈیوٹی پائلٹ، 93ویں انجنئیرنگ کورسز کے کیڈٹس فارغ التحصیل ہوئے، 103ویں ایئر ڈیفنس، 24ویں ایڈمن اینڈ سپیشل ڈیوٹی کورسز کے شرکاء بھی پاس آؤٹ ہوئے، ساتویں لاجسٹک اور 129ویں کامبیٹ سپورٹ کورسز کے کیڈٹس بھی فارغ التحصیل ہوئے ،

پاک فضائیہ کی پاسنگ آؤٹ پریڈ سے خطاب کرتے ہوئے وزیراعظم شہباز شریف کا کہنا تھا کہ کہ پاس آؤٹ ہونے والے تمام کیڈٹس کو مبارکباد دیتا ہوں کیڈٹس کے والدین کو دل سے مبارکباد پیش کرتا ہوں پاک فضائیہ نےکسی بھی چیلنج میں ملک کا نام روشن کیا پاک فضائیہ بہترین پیشہ وارانہ صلاحیتوں کی وجہ سےدنیا بھرمیں نمایاں ہے یقین ہےکہ مسلح افواج ہمیشہ قوم کی امنگوں کے مطابق صلاحیتوں کامظاہرہ کرتی رہے گی، اس وقت دنیا کو موسمیاتی تبدیلیوں سمیت بہت سارے چیلنجز کا سامنا ہے اور پاکستان کو معاشی چیلنجز کا سامنا ہے یقین دلاتا ہوں معیشت کو مستحکم کرنے کے لیے ہرکوشش کی جائے گی اور جلد ملک کے معاشی حالات بہتر ہوں گے

وزیراعظم شہباز شریف کا کہنا تھا کہ تمام ملکوں سے دو طرفہ مفادات کی بنیاد پر مثبت تعلقات چاہتے ہیں مسئلہ کشمیر کے حل کے بغیر جنوبی ایشیا میں امن کا قیام ناممکن ہے بھارت مقبوضہ کشمیرمیں انسانی حقوق کی کھلی خلاف ورزی کررہا ہے بھارت نے اگست 2019 سے کشمیرکو جیل میں تبدیل کررکھا ہے خطے میں امن کے لیے ہمسائیہ ملکوں کے ساتھ مل کرکوشش جاری رکھیں گے جب کہ قیام امن کی ہماری خواہش کو کمزوری نہ سمجھا جائے

سربراہ پاک فضائیہ نے 54 ویں کمبیٹ کمانڈرز کورس کی گریجویشن تقریب میں دشمن کو دیا اہم پیغام

ذمہ داریاں جانتے ہیں، وطن عزیز کے دفاع کیلیے ہر لمحہ تیار ہیں ،سربراہ پاک فضائیہ

عسکری قیادت کا پاک فضائیہ کے آپریشنل ایئر بیس پر جاری کثیر ملکی عسکری مشق کا جائزہ