پاک افغان سرحد کے قریب برفانی تودے کی زد میں آکر19 افراد جاں بحق

کنڑ: افغانستان سے پاکستان سفر کرنے والے برفانی تودے کی زد میں آکر کم از کم 19 افراد جاں بحق ہو گئے ہیں جب کہ دیگر افراد کی تلاش کا عمل جاری ہے۔

باغی ٹی وی : عالمی خبر رساں ادارے”دی گارجئین” کے مطابق طالبان کے ایک عہدیدار نے واقعے کی تصدیق کرتے ہوئے کہا ہے کہ پیر کو افغانستان سے ایک دور دراز پہاڑی درہ عبور کرتے ہوئے کم از کم 19 افراد برفانی تودے کی زد میں آ کر ہلاک ہو گئے۔

وادی سوات میں بدھ مت کی قدیم ترین عبادت گاہ دریافت

خبر رساں ایجنسی کے مطابق روزآنہ بڑی تعداد میں افغان شہری روزگار یا تجارت کے لیے غیر قانونی طریقے سے پاکستان جانے کی کوشش کرتے ہیں اور اس مقصد کے لیے وہ پہاڑی سرحد کا راستہ استعمال کرتے ہیں۔

صوبہ کنڑ کے محکمہ اطلاعات کے سربراہ نجیب اللہ حسن عبدل کا کہنا ہے کہ جائے حادثہ سے 19 نعشیں نکال لی گئی ہیں۔ ان کا کہنا ہے کہ امدادی کارکنان مزید افراد کی تلاش کا کام جاری رکھے ہوئے ہیں۔

اگست میں طالبان کے دوبارہ اقتدار میں آنے کے بعد سے پاکستان-افغان سرحد کے پار غیر قانونی آمدورفت بڑھ گئی ہے، جس نے ملک کو شدید بحران میں ڈال دیا ہے اور دسیوں ہزار افراد بے روزگار ہو گئے ہیں۔

واضح رہےکہ پاکستان 2670 کلو میٹر طویل سرحد پر باڑ لگانے کی کوشش کر رہا ہے۔ یہ سرحد ڈیورنڈ لائن کہلاتی ہے۔

تاجروں اور اسمگلروں نے صدیوں سے خطوں کو عبور کرنے اور ٹیکس ادا کرنے سے بچنے کے لیے دور دراز کے پہاڑی راستوں کا استعمال کیا ہےلیکن اس علاقے میں جان لیوا برفانی تودے گرنا عام بات ہے 2015 میں ملک بھر میں تباہ کن برفانی تودے گرنے سے 250 سے زائد افراد ہلاک ہو گئے تھے-

بیوی کا سرتن سے جدا کر کے سڑکوں پر گھمانے والا شخص گرفتار