پاکستان اور امریکہ کے انسداد دہشت گردی سے متعلق مفادات مشترکہ ہیں امریکہ

ترجمان امریکی وزارت خارجہ نیڈ پرائس نے کہا ہے کہ افغانستان میں طاقت کے زور پر آنے والی حکومت کی کوئی اہمیت نہیں ہو گی۔

باغی ٹی وی : امریکی محکمہ خارجہ کے ترجمان نیڈ پرائس نے کہا کہ پاکستان اور امریکہ کے مفادات مشترکہ ہیں ،افغانستان کا مسئلہ امریکہ اکیلے حل نہیں کر سکتا، افغان مسلے پر عالمی برادری کو ساتھ ملانا ہو گا۔

انہوں نے کہا کہ افغان امن میں پاکستان کا اہم کردار ہے پاکستان طالبان کو مذاکرات کی میزپرلایا، افغانستان میں امن عمل کو آگے بڑھانے میں پاکستان کے کردار کو سراہتے ہیں-

امریکی محکمہ خارجہ کے ترجمان نیڈ پرائس نے کہا کہ پاکستان اور امریکہ محفوظ ، پرامن اور مستحکم افغانستان چاہتے ہیں۔ پاکستان اور امریکہ کئی سال سے مشترکہ مفادات پر کام کر رہے ہیں، دونوں ممالک میں انسداد دہشت گردی سے متعلق مفادات مشترکہ ہیں۔

ترجمان کا کہنا تھا کہ مستحکم جنوبی ایشا کیلئے پاکستان کے کردار کو سراہتے ہیں افغانستان کا بوجھ پوری عالمی برادری کو اٹھانا ہوگا فغانستان میں طاقت کے زور پر آنے والی حکومت کی کوئی اہمیت نہیں ہو گی۔