پاک فوج کا کامیاب ریسکیو آپریشن، بلترو گلیشئر سے دو غیر ملکی کوہ پیماوں کو بچا لیا

راولپنڈی: پاک فوج نے دنیا کا 12 واں بلند ترین پہاڑ براڈ پیک سر کرنے کی کوشش کرنے والے 2 غیر ملکی کوہ پیماؤں کو ریسکیو کرلیا ہے۔پاک فوج کا کامیاب ریسکیو آپریشن، بلترو گلیشئر سے دو غیر ملکی کوہ پیماوں کو بچا لیا،اطلاعات کےمطابق پاک فوج کے ایوی ایشن پائلٹس نے گلیشئر میں پھنسے 2 غیرملکی کوہ پیماؤں کو کامیاب ریسکیو آپریشن کرتے ہوئے بچا لیاہے۔

پاک فوج نے 8 ہزار 74 میٹر بلند دنیا کے 12 ویں بلند ترین پہاڑ براڈ پیک کو سر کرنے کی کوششیں کرنے والے 2 غیر ملکی کوہ پیماؤں کو بلتورو گلیشیئر سے ریسکیو کرلیا ہے، یہ کوہ پیما اپنی مہم کے دوران بیمار ہوگئے تھے۔ ریکسیو آپریشن میں آرمی ایویشن کے پائلٹس نےحصہ لیا۔

آئی آیس پی آر کے مطابق امریکہ اور فن لینڈ کے کوہ پیما بلترو گلیشئر میں پھنس گئے تھے۔ذرائع کےمطابق اطلاعات ملنے پرپاک فوج کے چاک وچوبند ہوائی شاہسواروں نے اس پہاڑی سلسلے کا رخ کیا اورگلیشئرمیں‌پھنسے غیرملکی کوہ پیماوں کونکال کرمحفوظ مقامات تک پہنچا دیا گیا

آئی ایس پی آر کے مطابق غیر ملکی کوہ پیما ایک مہم کے دوران بلترو گلیشئر کے قریب بیماری کے سبب پھنس گئے تاہم پاک فوج کے پائلٹس نے اپنی جان جوکھم میں ڈال کر ریسکیو آپریشن کیا اور دونوں کوہ پیماوں کوکامیابی سے بحفاظت بیس کیمپ پہنچا دیا۔ذرائع کے مطابق غیرملکی کوہ پیماؤں میں امریکا کے ڈونلڈ ایلن اور فن لینڈ کی لوٹا ہنریکا شامل ہیں۔