پاک بحریہ کے جہازوں کی بین الاقوامی مشقوں میں شرکت

پاک بحریہ کے جہازوں کی بین الاقوامی مشقوں میں شرکت

باغی ٹی وی کی رپورٹ کے مطابق پاک بحریہ کے جہازوں پی این ایس عالمگیر اور پی 3 سی ائیر کرافٹ نے ترکی میں منعقدہ بین الاقوامی بحری مشقوں میں شرکت کی ہے۔ پاک بحریہ کے ترجمان کے مطابق مشقوں میں بارہ سے زائد ممالک کی افواج نے شرکت کی جس کا مقصد مختلف مہارتوں اور باہمی حربی صلاحیتوں میں اضافہ کرنا تھا۔

ترجمان کا کہنا تھا کہ پاک بحریہ خطے کی میری ٹائم سیکیورٹی کو یقینی بنانے میں ہمیشہ کلیدی کردار ادا کرتی رہی ہے، ترکی کی بندرگاہ اکساز کے دورے کے دوران پی این ایس عالمگیر پر استقبالیے کا اہتمام بھی کیا گیا

پاک بحریہ کے ترجمان کے مطابق استقبالیہ میں ترک بحریہ کے اعلی حکام، پاکستانی کمیونٹی، بحری مشقوں میںشریک دوسرے جہازوں کے افسران، سفارتی اور مقامی شخصیات نے بڑی تعداد میں شرکت کی۔

پاک بحریہ کے ترجمان کے مطابق یہ مشقیں 9 سے 21 نومبر تک بحیرہ روم میں منعقد ہوئیں، پاکستانی جہازوں نے ترک بحریہ کے ساتھ مشرقی بحیرہ روم میں منعقدہ پاکستان اور ترکی کے مابین دوطرفہ مشق میں بھی بھرپور شرکت کی۔اس دورے کے دوران کشمیر میں بھارتی مظالم اور کشمیر پر پاکستان کے اصولی موْقف پر بھی بین الاقوامی برادری کی توجہ مبذول کرائی گئی.

#PakistanNavy Ship ALAMGIR (with embarked helicopter) & #PakNavy P3C Aircraft participated in Multinational Ex DOGU AKDENIZ conducted in Mediterranean Sea, aimed to enhance interoperability with the world navies. More than 12 countries participated in the exercise @PakistanNavy pic.twitter.com/5CgUYT0rdL

— DGPR (Navy) (@dgprPaknavy) November 21, 2019