لاہور: پاکستان بھر میں عید الفطر آج 10 اپریل بروز بدھ منائی جائے گی۔
باغی ٹی وی : مرکزی رویت ہلال کمیٹی کے چیئرمین مولانا عبدالخبیر آزاد کی جانب سے پاکستان میں شوال کا چاند نظر آنے کا اعلان کیا، انہوں نے کہا کہ ملک کے مختلف حصوں سے شوال کے چاند کی رویت کی شہادتیں موصول ہوئیں، یکم شوال المکرم 1445 ہجری 10 اپریل بروز بدھ ہوگاقوم کو مبارکباد دیتے ہوئے انہوں نے کہا کہ دنیا کے بیشتر ممالک میں ایک ہی دن عید ہونے کی وجہ سے عالم اسلام کو ’اتحاد کا پیغام‘ مل رہا ہے۔
بعد ازاں صدر مملکت آصف علی زرداری نے عید الفطر کے موقع پر پیغام جاری کیا ، اپنے پیغام میں صدر پاکستان آصف علی زرداری کا کہنا تھا کہ دعا گو ہوں عید ڈھیروں برکتیں، خوشیاں، امن اور سلامتی لائے، اللہ تعالیٰ کا شکر ادا کرنا چاہیے کہ ہمیں رمضان کی سعادتیں اور خوشیاں نصیب ہوئیں، عید الفطر دوسروں کے ساتھ خوشیاں بانٹنے اور ایثار و قربانی کا دن ہے، اخوت، رواداری سے سرشار ہو کر ایک متحد قوم بننے کی کوشش کریں۔
ایران کے صوبے سیستان پولیس کی دو گاڑیوں پر حملہ ، 5 افسران ہلاک …
چیئرمین جوائنٹ چیفس آف اسٹاف کمیٹی اورتینوں سروسزچیفس کی جانب سے قوم کوعیدکی مبارکباد دی گئی ہے،مسلح افواج کے سربراہان کا اپنے پیغام میں کہنا ہےکہ محاذپرموجودجوانوں کےلیے عیدکاحقیقی فخرفرنٹ لائن پرخدمات کی انجام دہی میں ہےقوم کی حفاظت اوراپنے پیاروں سے دورعیدکی خوشی قوم کی خدمت میں ہے ،اللہ تعالیٰ سب کومحفوظ ومستحکم کرے اس پرمسرت موقع پرقومی ہیروز کے غیرمتزلزل عزم کویادرکھیں،مسلح افواج اورقوم کےلیے قومی ہیروزمشعل راہ ہیں،ان جوانوں اوران کے اہلخانہ کی قربانیوں پرپوری قوم شکرگزارہے۔
