ساز گار بیٹنگ پچ پر اچھا ہدف سیٹ کرنے کی امید ،کپتان سرفراز

قومی کرکٹ ٹیم کے کپتان سرفراز احمد نے کہا ہےکہ ساز گار بیٹنگ پچ پر اچھا ہدف سیٹ کرنے کی کی امید ہے

تفصیلا ت کے مطابق لارڈز کرکٹ گراؤنڈ میں کھیلا جانے والا یہ میچ دونوں ٹیموں کی ورلڈکپ میں بقا کے لیے اہم ترین میچ بن گیا ہے، جہاں شکست کی صورت میں ایک ٹیم کے
لیے ورلڈکپ ممکنہ طور ختم ہوجائے گا۔
ٹاس کے موقع پر گفتگو کرتے ہوئے قومی ٹیم کے کپتان کا کہنا تھا کہ گزشتہ تمام میچز ماضی کا حصہ بن چکے ہیں، ہماری نظریں ایک میچ کے بعد دوسرے میچ پر ہوتی ہیں۔

ان کا یہ بھی کہنا تھا کہ یہ وکٹ بیٹنگ کے لیے ساز گار دکھائی دے رہی ہے اور یہاں بڑا اسکور کرنے کی کوشش کریں گے۔
قومی ٹیم میں 2 تبدیلیاں کی گئی ہیں، شعیب ملک اور حسن علی کی حارث سہیل اور شاہین آفریدی کو شامل کیا گیا ہے۔
پاکستان نے رواں برس کے آغاز میں جنوبی افریقہ کا دورہ کیا تھا جہاں اسے جنوبی افریقہ کے ہاتھوں 3-2 سے شکست کا سامنا کرنا پڑا تھا۔
مذکورہ سیریز کے دوران بھی دونوں ٹیموں کے مابین سخت مقابلے دیکھے گئے تھے۔
ورلڈکپ کے اس اہم میچ کے لیے امکان ظاہر کیا جارہا تھا کہ پاکستان کی ٹیم میں شعیب ملک اور حسن علی کو ٹیم میں شامل نہیں کیا جائے گا۔

واضح رہے کہ پاکستان ٹیم کی ورلڈکپ کے لیے روانگی سے قبل قومی ٹیم کے چیف سلیکٹر انضمام الحق نے محمد حسنین کے بارے میں کہا تھا کہ یہ ٹیم کے لیے ایک سرپرائز پیکیج ثابت ہوگا۔

شعیب ملک اور حسن علی نے اب تک ورلڈکپ کے دوران تمام میچوں قومی ٹیم کی نمائندگی کی لیکن خاطر خواہ کارکردگی دکھانے میں کامیاب نہیں ہوسکے۔