پاک چین دوستی و تعاون علاقائی امن اور ترقی کے لیے انتہائی اہم ہے،اسحاق ڈار

پاک چین دوستی ایک ہمہ جہت سٹریٹجک شراکت داری کی شکل اختیار کر چکی ہے, جو نہ صرف دونوں ممالک کے عوام بلکہ پورے خطے کی خوشحالی، فلاح و بہبود اور امن و استحکام کے لیے انتہائی اہم ہے۔

ان خیالات کا اظہار قائد ایوان سینیٹر اسحاق ڈار نے چینی سفیر جیانگ زیڈونگ کی دعوت پر چینی سفارتخانے کے دورے کے موقع پر کیا۔ دونوں فریقین نے موجودہ اقتصادی اور سٹریٹجک تعاون کو تقویت دینے اور پاکستان میں سرمایہ کاری کے موقعوں کے حوالے سے تفصیلی پر تبادلہ خیال کیا۔ سینیٹر اسحا ق ڈار نے ہر طرح کے مشکل اور بحرانی حالات اور قدرتی آفات کے دوران چین کی جانب سے پاکستان کی مسلسل حمایت کو سراہا۔ دونوں ممالک کے درمیان تعاون کی موجودہ صورتحال پر اطمینان کا اظہار کرتے ہوئے سینیٹر اسحاق ڈار نے نشاندہی کی کہ دونوں ممالک کے درمیان زراعت، تجارت، سرمایہ کاری، آئی ٹی اور مالیاتی شعبوں میں مزید تعاون بڑھانے کے وسیع مواقع موجود ہیں۔

چینی سفیر جیانگ زیڈونگ نے سینیٹر اسحاق ڈار کی طرف سے چینی عوام اور حکومت کے لیے خیر سگالی اور دوستی کے جذبات کا خیرمقدم کیا۔دونوں فریقین نے اتفاق کیا کہ پاک چین آہنی بھائی چارہ درحقیقت خطے اور اس سے باہر امن، استحکام اور مشترکہ خوشحالی کا محور ہے۔ چینی سفیر نے سینیٹر اسحاق ڈار کی پاکستان کے سابق وزیر خزانہ کی حیثیت سے کثیر سطحی تعاون کو مزید گہرا کرنے کے لیے کی جانے والی کوششوں کا اعتراف کیا اور ان کی تعریف کی۔ انہوں نے فروری 2024 کے عام انتخابات کے بعد پاکستان کی اگلی منتخب حکومت کے ساتھ مل کر کام کرنے کے چین کے عزم کا اعادہ کیا تاکہ باہمی طور پر فائدہ مند منصوبوں بالخصوص سی پیک پر پیش رفت کو تیز کیا جا سکے جس کا مقصد خطے میں مشترکہ ترقی کو فروغ دینا ہے۔
رپورٹ، محمد اویس، اسلام آباد

جے یو آئی شیرانی گروپ سے اتحاد ختم 

چیف جسٹس قاضی فائز عیسی اور پی ٹی آئی وکیل لطیف کھوسہ ایک مرتبہ پھر آمنے سامنے 

سماعت سے محروم بچوں کے والدین گھبرائیں مت،آپ کا بچہ یقینا سنے گا

عام انتخابات، پاکستان میں موروثی سیاست کا خاتمہ نہ ہو سکا،

تاحیات نااہلی کیس کے فیصلے پر سیاسی رہنماؤں کا ردعمل 

رؤف حسن بانی پی ٹی آئی مخالف صحافیوں کو ٹکٹ دلوانا چاہتے ہیں

صارفین کا کہنا ہے کہ "تنظیم سازی” کرنے والوں‌کو ٹکٹ سےمحروم کر دیا گیا

عام انتخابات، آصفہ انتخابی مہم چلانے کے لئے میدان میں آ گئیں