‏پاکستان کی نا دیدہ قوتیں. تحریر:محمد عثمان

پاکستان دنیا کا واحد ملک ہے جو ترقی کی راہ پر دہائیوں سے گامزن ہے اور شاید آنے والی مزید ایک صدی تک ترقی پذیر ہی رہے ترقی یافتہ نہ بن پائے

اس ملک کی ترقی و سالمیت اور بقاء اس ملک کی عوام اور اس کے اداروں سے مشروط ہے عوام کا کردار صرف الیکشن میں اپنا نمائندہ منتخب کرنا ہوتا ہے جب کہ اداروں نے اپنی حدود میں رہ کر اپنی ذمہ داری ادا کرنا ہوتی ہے

اب الیکشن میں عوام ووٹ کے ذریعے اپنا حق رائے دہی استعمال کرتے ہوئے اپنا نمائندہ منتخب کرتے ہیں مگر پچھلی کم از کم 4 دہائیوں سے الیکٹورل پراسیس پر انگلیاں اٹھ رہی ہیں

الیکٹورل پراسیس پر انگلیاں کیوں اٹھ رہی ہیں؟ اس کے لیے کون ذمہ دار ہیں؟ کیا یہ صرف دفاعی ادارے کرتے ہیں؟ کیا افواج اس کی ذمہ دار ہے؟

ان سب کا محرک پاکستان کا وہ ایلیٹ طبقہ ہے جو خود کو پاکستان کا مائی باپ سمجھتا ہے اور یہی وہ نا دیدہ قوتیں ہیں جو پاکستان کی حکومتی مشینری کو کنٹرول کرتی ہیں

حکومت جب تک مفادات پر پورا اترے کھلی چھٹی اور جب نہ میں منڈھی ہلتی ہے تو پھر حکومتوں کو باور کرانا پڑتا ہے کہ تم یہاں ہمارے تابع ہو ہم جو کہیں گے وہی کرنا ہو گا

حالیہ بھارت کے ساتھ دوطرفہ تجارت کا معاملہ اور حکومت کا انکار دیکھ لیں

پریشر گروپس انہیں نادیدہ قوتوں کی زیرنگرانی بنتے اور پنپتے ہیں ضرورت کے تحت استعمال کیا جاتا ہے اور جب ضرورت ختم ہو جاتی ہے تب ان پریشر گروپس کو پابند سلاسل کر دیا جاتا ہے اور بلآخر ختم کر دیئے جاتے ہیں

یہی نادیدہ قوتیں اپنے مفادات مقدم رکھتے ہوئے فیصلے کرتی ہیں کہ کون سا بندہ ہمارے لیے موزوں ترین ہے اور کون ہماری ہاں میں ہاں ملائے گا

نواز شریف کا 50 روپے کے اسٹام پیپر پر ملک سے باہر جانا، جسٹس قاضی فائز عیسی کو کلین چٹ ملنا ، مریم نواز کا بلاجواز ضمانت پر رہا رہنا ، رانا ثناءاللہ سمیت کئی لیگی رہنماؤں کا بیوروکریٹس کو دھمکیاں دینا مگر کوئی کاروائی نہ ہونا
یہ ہیں وہ تمام Compromise Games جو نا دیدہ قوتوں کی بدولت ہو رہی ہیں

جب جب نظریہ ضرورت کا جنم ہوتا ہے تب تب اس ملک میں Compromise Games کا تانتا باندھا جاتا ہے ، اب تک والیم 10 کیوں پبلک نہیں ہوا؟ کیوں کہ بہت سے شرفاء کے نام پوشیدہ ہیں ، اگر نام پبلک ہوں تو بہت سے شرفاء کے کپڑے سر بازار اتر جائیں
پاکستانی عوام بہت بھولی بھالی اور انتہا درجے کی جذباتی ہے

عوام کو ہر دور حکومت میں انہیں نادیدہ قوتوں نے جذبات میں بہا کر اس کے پیچھے لگایا اور خود ایک طرف بیٹھ کر تماشہ دیکھا
حکومت کی بے بسی دیکھ کر ہر ذی شعور یہ ضرور سمجھ سکتا ہے کہ حکومت کسی اور کے کنٹرول میں میں ہے

جب تک ہم عوام یہ کنٹرول ان نادیدہ قوتوں سے چھین کر اصل حق داروں تک نہیں پہنچاتے تب تک پاکستان کی ترقی ناممکن ہے

اللہ رحیم و کریم اس ملک کو رہتی دنیا تک آباد رکھے آمین ثمہ آمین
‎@one_pak_