پاکستان کو درپیش چیلنج سے نکال کر اپنے پاﺅں پر کھڑا کریں گے۔ وزیر اعظم
پاکستان کو درپیش چیلنج سے نکال کر اپنے پاﺅں پر کھڑا کریں گے۔ وزیر اعظم
وزیراعظم پاکستان میاں محمد شہباز شریف نے کہا ہے کہ موجودہ حکومت اپنی آئینی مدت پوری کرے گی، پاکستان کو درپیش چیلنج سے نکال کر اپنے پاﺅں پر کھڑا کریں گے۔ العربیہ ٹی وی کو دیئے گئے انٹرویو میں وزیراعظم شہباز شریف نے کہا کہ سعودی عرب اور متحدہ عرب امارات ( یو اے ای ) سمیت دیگر دوست ممالک نے ہر مشکل وقت میں پاکستان کا ساتھ دیا ہے، ہم اس تعاون کو سرمایہ کاری اور تجارت کے شعبوں میں ڈھالنا چاہتے ہیں۔
شهباز شريف رئيس وزراء باكستان: علاقة الأخوة بين #السعودية و #باكستان عمرها قرون.#مقابلة_خاصة @layal_alekhtiar@CMShehbaz pic.twitter.com/ZxfhSezxsp
— العربية برامج (@AlArabiya_shows) January 16, 2023
وزیراعظم نے کہا کہ سعودی عرب اور متحدہ عرب امارات کی طرح پاکستان کا دیرینہ دوست ملک ہے، دورہ متحدہ عرب امارات انتہائی کامیاب رہا ہے، متحدہ عرب امارات میرا اور لاکھوں پاکستانیوں کا دوسرا گھر ہے۔ یو اے ای کی قیادت بالخصوص صدر شیخ محمد بن زید النہیان کے مشکور ہیں،شیخ زید پاکستان کے ایک بڑے خیرخواہ اور دوست تھے،سرمایہ کاری کا فروغ چاہتے ہیں۔ وزیراعظم نے یہ بھی کہا کہ دونوں ممالک کے ساتھ صدیوں پرانے برادرانہ تعلقات ہیں، باہمی احترام، مفادات، مذہب، ثقافت اور تاریخی تعلقات پر مبنی ہیں۔
پاکستان سے متعلق پوچھے گئے سوال کے جواب میں شہباز شریف کا کہنا تھا کہ میری حکومت میں کرپشن کی کوئی گنجائش نہیں، میرا یہ وژن نہیں کہ ہر وقت دوسرے ممالک سے ہی مدد مانگی جائے، پاکستانی قوم ایک بہادر اور محنتی قوم ہے، میرا یہ ایمان ہے پاکستانی قوم ایک دن ضرور اپنے پاﺅں پر کھڑی ہو گی۔
شهباز شريف رئيس وزراء باكستان: علاقة الأخوة بين #السعودية و #باكستان عمرها قرون.#مقابلة_خاصة @layal_alekhtiar@CMShehbaz pic.twitter.com/ZxfhSezxsp
— العربية برامج (@AlArabiya_shows) January 16, 2023
پڑوسی ممالک بلخصوص بھارت سے تعلقات پر وزیراعظم میاں محمد شہباز شریف نے بھارت کو پیشکش کرتے ہوئے کہا کہ بھارت سے مسئلہ کشمیر سمیت تمام تنازعات کے حل کیلئے بات چیت کیلئے تیار ہیں، بھارتی قیادت ہمارے ساتھ مل بیٹھ کر تمام دیرینہ تنازعات حل کرے، ہتھیاروں کی دوڑ کی بجائے اپنے وسائل غربت اور بے روزگاری کے خاتمہ کے لئے خرچ کر سکیں۔ برصغیر میں کروڑوں مسلمان رہائش پذیر ہیں۔
انہوں نے یہ بھی کہا کہ بھارت 5 اگست 2019 کا یکطرفہ غیر قانونی اقدام واپس لے، پاکستان اور بھارت کے درمیان تین جنگیں ہوچکی ہیں، ان جنگوں کے نتائج مزید غربت، بے روزگاری اور لاکھوں لوگوں کی زندگیوں میں ابتری کے طور پر سامنے آئے۔ شہباز شریف کا کہنا تھا کہ چین اور امریکا کے درمیان پاکستان ایک پل ہے۔
