پاکستان کیا ہے؟ تحریر: شہاب خان

*صرف چند منٹ نکال کے پڑھ لیں ان شاءاللہ کبھی پاکستان سے گلہ نہیں رہے گا آپکو*

دُنیا میں دُوعالمی جنگیں ہوچکی ہیں جبکہ تیسری اور فیصلہ کُن جنگ ابھی ہونا باقی ہے جس کے لیے میدان سج رہا ہے۔ یہ جنگ مسلمانوں اور یہودیوں کے درمیان ھو گی۔ اگر ہم دیکھیں تو دُنیا میں دو ممالک ھی خالص مذھب کی بنیاد پر بنے ھیں ایک پاکستان اور دوسرا اسرائیل جبکہ پاکستان اسلام کے نظریہ پر بنا اور اسرائیل یہودیت کے نظرئیے پر قائم ھوا۔

اسرائیل اپنے وجود کے قیام سے ھی پاکستان کو اپنا دشمن سمجھتا ھے جسکی بنیادی وجہ پاکستان کا خالصتاً مذھب اسلام کے نام پر وجود میں آنا ھے اور اسرائیل اچھی طرح جانتا ھے کہ وہ پورے عرب کو زیر کر سکتا ھے لیکن اگر اسے کبھی سخت ترین حالات کا سامنا کرنا پڑا تو وہ صرف پاکستان ھے۔ گو کہ پاکستان اور اسرائیل کی کبھی دانستہ و دست بہ دست لڑائی نھیں ھوئی لیکن اسکے باوجود اسرائیل پاکستان سے ایک بار عرب اسرائیل جنگ میں شکست کھا چکا ھے جسکے بعد اسکا یہ یقین ایمان میں بدل چکا ھے کہ پاکستان کے فناء میں ھی اسکی بقاء ھے اسی لئے اسرائیل پاکستان کو باالواسطہ یا بلاواسطہ نقصان پہنچانے کا کوئی موقع ہاتھ سے نھیں جانے دیتا۔

اسرائیل پر یہ بات رُوزِ رُوشن کی طرح عیاں ہے کہ پاکستان کو اللہ نے وجود کیوں دیا جبکہ یہ ہماری بدقسمتی اور نااہلی ہے کہ ہم قیام پاکستان کا مقصد ھی نھیں جانتے اور جانے انجانے میں الٹا اپنے ھی وطن کو نقصان پہنچانے میں لگے رھتے ھیں۔

پاکستان اور اسرائیل کا مذاہب کے نظریہ پر وجود میں آنا کوئی اتفاقاََ حادثہ نھیں بلکہ اس بات کا پیش خیمہ ھے کہ دنیا کی آخری جنگ یہودیوں اور مسلمانوں کے درمیان ہو گی اس پئے اس بات سے قطعی انکار نھیں کیا جا سکتا کہ پاکستان کوئی عام ملک نھیں بلکہ پاکستان دنیائے ارض کا سب سے اھم اور خاص ملک ھے۔

پاکستان ھے کیا جسکے بنانے والے بھی چُنے ہوئے، جس کے بننے کا دن بھی چُنا ہوا، جس کا جھنڈا چُنا ہوا، جس کے بننے کا مقام بھی چُنا ہوا۔ جس کے بننے کا مقصد چُودہ سُو سال پہلے بتائے گئے سنہری اصولوں سے چن لیا گیا ھے۔

جس کی بنیاد مضبوط کرنےمیں لاکھوں کلمہ گو کا خون، بہا جس کی جنگ میں خدا کی نصرت ساتھ رھی، جس کو مٹانے والے خود مٹ گئے، جس کو بچانے والے جنت میں اعلیٰ مقام کی بشارتیں پا گئے، جس کے خطے پر پیارے رسول صلیٰ اللہ علیہ وآلہ وسلم کی پیشین گوئیاں کہ مجھ کو مشرق سے ٹھنڈی ہواؤں کے چلنے کا یقین لگتا ھے۔
جس ملک سے اللہ اپنے عظیم گھر خانہ کعبہ کی حفاظت کا کام لیں، دُنیا کی پہلی اسلامی مملکت جسے اللہ نے ایک بہترین ایٹمی طاقت بنایا ۔دُنیا کی بہترین خفیہ ایجنسی آئی ایس آئی دی ،دُنیا کے بہترین کمانڈوز، دُنیا کی بہترین فوج، دُنیا کا بہترین جنگی و دفاعی نظام، دُنیا میں محلِ وقوع ایسا دیا کہ دُنیا رشک کرتی ہے، دریا، سمندر، پہاڑ، میدان دئیے، تمام موسم دئیے دنیا کا ھر میوہ دیا، ھر فصل سے نوازا، سر سبز کھیت کھلیان دئیے

دنیا کی دو سپر پاورز روس اور امریکہ کو پاکستان کے ذریعے نہ صرف شکست دلوائی بلکہ انکے غرور کو سمندر برد کروایا، ھمارے ازلی دشمن بھارت کو ھر بار ناکام و نا مراد لوٹا کر اسکی چیخیں پوری دُنیا کو سنوائیں۔ جس کے مجاہدوں کو دشمنِ دین و کفار سے ٹکرانے کا شرف ملے، ایسے میں یاد رکھنا وھی خدا ھے جو اس ملک کو چلا رہا ہے ،جس کے ہتھیاروں کا کوئی ثانی نہیں، جدید ٹیکنالوجی، ذہین لوگ، چُنے ہوئے انجینیرز اور سائنسدان جنہوں نے محدود وسائل میں ملک کیلئے وسائل بنائے، جو اپنی طرف اٹھنے والی ہر انگلی و ہاتھ کو وہ چوٹ دے جو ھمیشہ کیلئے عبرت بن جائے گویا خدا نے فضائے بدر کے ماحول میں فرشتے اتار دئیے ھوں۔

جسے غزوہ ہند کی فتح کی خوشخبری چُودہ سُو سال پہلے مل جائے، جو لڑنے سے پہلے تیسری جنگ عظیم کیلئے صف آراء ٹھہرے، جس کا وجود مسلمانوں کے وجود کی ضمانت، کشمیر بنے گا پاکستان سے لیکر یا اھل الا فلسطین پکارنے والا۔

گو کہ ایسی طاقت ایسی نعمت ایسے ملک سے دھوکہ وہ نا شکری ھے جس کا اذالہ جان دے کر بھی نھیں کیا جا سکتا۔