fbpx

اسرائیلی وزیردفاع کی طرف سے شفا اسپتال کو حماس کا کمپلیکس قرار دینے پر پاکستان کا سخت ردعمل سامنے آگیا

اسلام آباد:اسرائیلی وزیردفاع کی طرف سے شفا اسپتال کو حماس کا کمپلیکس قرار دینے پر پاکستان کا سخت ردعمل سامنے آگیا،اطلاعات کے مطابق پاکستان نے اسرائیل کے سابق وزیر دفاع نفتالی بیننٹ کی جانب اسلام آباد کی شفاء انٹرنیشنل اسپتال کو حماس کا میڈیکل کمپلیکس قرار دینے پر احتجاج کیا ہے۔

اسرائیل کے سابق وزیر دفاع نے 20 مئی کو ایک ویڈیو شیئر کی تھی جس میں پاکستان کے دارالحکومت اسلام آباد کے شفاء انٹرنیشنل اسپتال کو فلسطین کی مزاحمتی تنظیم حماس کا بڑا میڈیکل کمپلیکس قرار دیا تھا۔

اب اس معاملے پر پاکستان نے اسرائیل کے سابق وزیردفاع کی غلط بیانی پر سخت ردعمل کا اظہار کیا ہے۔ 

ترجمان دفترخارجہ زاہد حفیظ کا کہنا ہے کہ اسرائیل کے سابق وزیر کے بیان میں پاکستانی عمارت کے غلط استعمال پر شدید تحفظات ہیں۔
انہوں نے مزید کہا کہ اسرائیلی وزیر دفاع کا بیان دیکھا ہے جوکہ واضح طور پر جان بوجھ کر کی گئی حرکت ہے۔