پہلی بار پاکستانی خاتون خلا میں جائیں گی

دبئی: پاکستانی خاتون نمیرا سلیم اکتوبر 2023 میں خلا تک جانے والی پہلی پاکستانی ہوں گی-

باغی ٹی وی : امریکی کمپنی ورجن گلیکٹک کا گلیکٹک 04 نامی مشن 5 اکتوبر کو نیو میکسیکو کے اسپیس پورٹ امریکا سے روانہ ہوگا دبئی میں مقیم نمیرا سلیم پہلی پاکستانی خاتون ہیں جو قطب شمالی (2007) اور قطب جنوبی (2008) میں پاکستانی پرچم کو لہرا چکی ہیں۔

ورجین گلیکٹک نے جون 2023 کے آخر میں پہلی کمرشل پرواز خلا تک لے جانے میں کامیابی حاصل کی تھی مگر اس پرواز میں عام سیاح سوار نہیں تھے بلکہ اٹلی سے تعلق رکھنے والے ماہرین کو خلا میں لے جایا گیا تھا۔
https://x.com/namirasalim/status/1703578670181339509?s=20

نیب کا حساس اداروں کے افسران کی خدمات لینے کا فیصلہ

بعد ازاں اگست میں اس کمپنی نے سیاحوں کے لیے پہلی خلائی پرواز کو خلا میں روانہ کیا تھا، جبکہ ستمبر میں بھی ایک پرواز سیاحوں کو خلا میں لے کر گئی اس کمپنی کے آئندہ مشن میں نمیرا سلیم بھی موجود ہوں گی اس مشن میں نمیرا سلیم سمیت 3 سیاح سفر کریں گے جو کمپنی کے وی ایس ایس یونٹی اسپیس کرافٹ کے کیبن میں موجود ہوں گے یہ اس کمپنی کی مجموعی طور پر چوتھی کمرشل خلائی پرواز ہوگی۔

خیال رہے کہ نمیرا سلیم نے 2006 میں ہی اس سفر کے لیے ٹکٹ بک کرالی تھی اور اب جاکر انہیں خلا میں جانے کاموقع مل رہا ہےجبکہ حکومت پاکستان نے 2006 میں نمیرا سلیم کو پہلی پاکستانی خلا باز قرار دیا تھا اور 2011 میں تمغہ امتیاز سے نوازا گیا تھا۔

پولیس کی بروقت کارروائی، بھاری مقدار میں دھماکا خیز مواد برآمد