سندھ: پانی کی قلت،آموں کے باغات سمیت دیگر سبزیوں کی فصلوں کو نقصان پہنچنے کا خدشہ

سندھ کے بیراجوں میں پانی کی قلت اب بھی برقرارہے، پانی کی قلت کے باعث دریائے سندھ بعض مقامات پر خشک ہو گیا اور فصلیں سوکھ گئیں۔

باغی ٹی وی : سکھر بیراج سے نکلنے والی دادو اور رائس کینال کو اب تک کھولا نہ جاسکا ہے پانی کی قلت کے باعث میرپورخاص ڈویژن میں چاول کی فصل کاشت کرنے پر پابندی عائد کردی گئی ہے جبکہ صوبے میں کپاس کیلئے 6 لاکھ 40 ہزار ہیکٹر میں سے صرف دو لاکھ 30 ہزارہیکٹر پربوائی کی جاسکی ہے آموں کے باغات سمیت دیگر سبزیوں کی 50 فیصد فصلوں کو نقصان پہنچنے کا خدشہ ہے۔

کراچی: بولٹن مارکیٹ کے قریب دھماکا،1 خاتون جاں بحق 12 افراد زخمی

دوسری جانب 24 گھنٹے میں گڈو بیراج پر1200 کیوسک اورسکھر بیراج پر600 کیوسک پانی بڑھا ہے جبکہ چشمہ بیراج سے مزید 30 ہزارکیوسک پانی چھوڑا گیا۔

پانی کی قلت کے باعث دریائے سندھ بعض مقامات پر بالکل خشک ہو گیا-

ادھر چولستان میں تالاب خشک اورکنوؤں کا پانی بھی کڑوا ہوگیا ہے، دور افتادہ علاقے مصری والا میں خواتین اور چھوٹے بچے ٹینکروں کے ذریعے پینےکا پانی آنےکے منتظر ہیں پانی کی قلت سے مویشیوں کی ہلاکتوں کا سلسلہ جاری ہے، چولستان ڈویلپمنٹ اتھارٹی حکام کے مطابق پائپ لائنوں اور ٹینکرز کے ذریعے متاثرہ علاقوں میں پانی فراہم کیا جارہا ہے۔

کاروبار کے لئے سازگار ماحول مہیاء کرنا حکومت کی اولین ترجیح ہے،وفاقی وزیر اطلاعات

ترجمان چولستان ڈویلپمنٹ اتھارٹی کے مطابق چولستان کے علاقے شدید خشک سالی اور ہیٹ ویوکی زد میں ہیں، اب تک 71 بھیڑوں کی ہلاکتوں کی تصدیق ہوئی ہے، مویشی مالکان کو معاوضہ دینےکے لیے رپورٹ حکومت پنجاب کو بھیج دی ہے۔

دوسری جانب وزیراعظم شہباز شریف نے چولستان میں بستیوں اور جانوروں کے لیے پانی کی فوری فراہمی یقینی بنانے کی ہدایت کی ہے وزیراعظم کا کہنا ہےکہ ضلعی انتظامیہ اورمتعلقہ ادارےچولستان میں گرمی میں فوری امدادی سرگرمیاں یقینی بنائیں۔

چولستان کی پکار ازقلم :غنی محمود قصوری