حال ہی میں ریلیز ہونے والی بھارتی پولیٹیکل تھرلر ویب سیریز مرزاپور 2 کی کہانی کو نہ صرف پاکستانی عوام کی جانب سے سراہا گیا بلکہ پاکستانی شوبز شخصیات نے بھی پسند کیا۔
باغی ٹی وی: مرزاپور 2 کو ایکشن کرداروں اور کہانی کی وجہ سے پسند کرنے والے پاکستانی اداکاروں میں اداکارہ اقرا عزیز بھی شامل ہیں جنہوں نے سیریز دیکھنے کے بعد سوشل میڈیا پر اس کی پسندیدگی کا اظہار بھی کیا تھا۔
اقرا عزیز نے چند دن قبل اپنی انسٹاگرام اسٹوری میں مرزاپور 2 میں اکھنڈاننڈ ترپاٹھی کا مرکزی کردا ادا کرنے والے اداکار پنکج ترپاٹھی کی تصویر شیئر کرتے ہوئے انہیں پسندیدہ کردار قرار دیا تھا۔
اقرا عزیز نے پنکج ترپاٹھی کی تصویر شیئر کرتے ہوئے لکھا تھا کہ ہائے کلین بھیا آپ میرے فیورٹ ہو ساتھ ہی اداکارہ نے بھارتی اداکار کو اسٹوری میں مینشن بھی کیا تھا۔
اسٹوری شیئر کیے جانے کے بعد پنکج ترپاٹھی نے بھی اقرا عزیز کی اسٹوری پر انہیں جواب دیتے ہوئے ہاتھ جوڑنے کی ایموجی سے ان کا شکریہ ادا کرتے ہوئے ان کے لیے نیک خواہشات کا اظہار کیا۔
بھارتی اداکار کی جانب سے جواب ملنے کے بعد اقرا عزیز نے اسٹوری پر پنکج ترپاٹھی کے جواب کا اسکرین شاٹ شیئر کرتے ہوئےخوشی کا اظہار کیا بھارتی اداکار کے لیے محبتوں اور شکرانے کے ایموجیز بھی شیئر کیے اور بتایا کہ انہیں یقین نہیں آ رہا کہ انہیں پنکج ترپاٹھی نے جواب دیا ہے-
خیال رہے کہ پنکج ترپاٹھی نے حال ہی میں ریلیز ہونے والی ویب سیریز مرزاپور 2 میں اکھندانند ترپاٹھی کا مرکزی کردا ادا کیا ہے جنہیں سیریز میں کلین بھیا بھی کہا جاتا ہے۔
مرزاپور 2 اسی نام سے 2018 میں ریلیز ہونے والی ویب سیریز کا دوسرا سیزن ہے مذکورہ ویب سیریز میں ریاست اترپردیش اور بہار کے درمیان موجود علاقے پورو وانچل کے خطے میں ہونے والے جرائم اور تشدد پر مبنی سیاست کو دکھایا گیا ہے۔
ویب سیریز میں پنکج ترپاٹھی کے علاوہ دیویندو شرما، علی افضل، رسیکا دگل، بینا ترپاٹھی اور پھول چند ترپاٹھی سمیت دیگر اداکاروں نے مرکزی کردار ادا کیے تھے۔
مرزاپور 2 کو گزشتہ ماہ 23 اکتوبر کو ریلیز کیا گیا تھا اور اس کی شاندار کامیابی کے بعد اس کی ٹیم نے سیریز کا تیسرا سیزن بنانے کا عندیہ بھی دیا ہے۔
