پیرس ہلٹن نے سعودی عرب کی تعریف میں بہت کچھ کہہ دیا

پیرس ہلٹن نے سعودی عرب کی تعریف میں بہت کچھ کہہ دیا

باغی ٹی وی امریکی معروف گلوکارہ و اداکارہ نے سعودی عرب کی تعریف میں بہت کچھ کہہ دیا، اس نے سعودی لوگوں کے متعلق کہا کہ سعودی عرب میں ہر کوئی بہت میٹھا اور مہمان نواز تھا۔سعودی بہت اچھے اور مَحَبَّت کرنے والے لوگ ہیں۔‘‘

یہ الفاظ ہیں پیرس ہلٹن انٹرٹینمنٹ کی چیف ایگزیکٹو آفیسر( سی ای او) پیرس ہلٹن کے۔ انھوں نے حال ہی میں سعودی عرب کا پہلا دورہ کیا ہے اور وہ سعودیوں کی مہمان نوازی پر اب رطب اللسان ہیں۔

انھوں نے العربیہ نیوز چینل سے ایک خصوصی انٹرویو میں اپنے تاثرات بیان کرتے ہوئے کہا ہے:’’ میرا (مملکت میں) بہت اچھا وقت گزرا ہے۔ میرے خیال میں سعودی بہت خوب صورت اور بہت محبت کرنے والے لوگ ہیں۔‘‘

پیرس ہلٹن سوشل میڈیا کی ایک مقبول عام اسٹار ہیں۔ انسٹاگرام پر ان کے پیروکاروں کی تعداد ایک کروڑ دس لاکھ سے زیادہ ہے اور ٹویٹر پر ان کے پیروکاروں کی تعداد ایک کروڑ ستر لاکھ سے متجاوز ہے۔

انھوں نے ملکن انسٹی ٹیوٹ کی 2020ء مڈل ایسٹ اور افریقا سمٹ کے موقع پر سوشل میڈیا کی ایک کامیاب اور بااثر شخصیت ہونے کے ناتے اپنے تجربے کے بارے میں اظہار کیا ہے۔

انھوں نے دبئی کو اپنی اثراندازی کے حوالے سے ایک شاندار جگہ قراردیا ہے۔ان کے بہ قول اس کا پس منظر کا ماحول بہت زبردست ہے،دبئی مال بہت اچھا ہے۔

پیرس ہلٹن نے کہا کہ ’’ ایک حقیقی اثرانداز ہونے والی شخصیت اور مواد کے تخلیق کار کے ناتے سب سے اہم بات یہ یاد رکھنے کی ہے کہ آپ اپنے سوشل میڈیا کے پلیٹ فارم کو درست انداز میں استعمال کریں۔‘‘

انھوں نے تجویز پیش کی ہے کہ:’’ اگر آپ میں ٹیلنٹ ہے، تو پھر آپ اپنے فون اور فلم کے مواد کو استعمال کرسکتے ہیں۔اس کو استعمال میں لائیے اور کوئی ایسی چیز پیش کیجیے جو آپ کے مداحوں اور شائقین کے (مزاج کے) مطابق ہو۔‘‘

’’یہ بہت ہی آسان ہے،لیکن شرط یہ ہے کہ آپ جو کچھ کررہے ہیں،اس میں آپ کو یقین ہو اور آپ سخت جانفشانی سے کام کریں اور اچھا مواد پیش کریں۔‘‘ان کا مزید کہنا تھا۔
واضح‌رہے کہ سعودی عرب اس وقت تبدیلی کے مرحلے سے گزر رہا ہے، جدت پسندی کے فروغ کے لیے سعودی شہزاد محمد بن سلمان کافی اقدام کرہا ہے.