پارٹی شوکاز نوٹس کا حامد خان نے دیا جواب، کیا کہا؟ اہم خبر

پارٹی شوکاز نوٹس کا حامد خان نے دیا جواب، کیا کہا؟ اہم خبر

باغی ٹی وی کی رپورٹ کے مطابق رہنما پی ٹی آئی حامد خان نے پارٹی کے شوکاز نوٹس کا جواب دے دیا،حامد خان نے جواب میں کہا کہ تحریک انصاف کسی صورت نہیں چھوڑوں گا،تحریک انصاف میرے لیے سب کچھ ہے،اپنی رکنیت کے تحفظ کیلئے تمام آئینی و قانون راستے اپناوَں گا.

حامد خان نے مزید کہا کہ شوکاز نوٹس میں قانونی سقم ہیں لیکن آپ سے گلہ نہیں جہاں پوری پارٹی آرمی چیف کا درست نوٹیفکیشن جاری نہیں کر سکی وہاں گلہ جائز نہیں سمجھتا۔ کوئی مفاد پرست، قبضہ گروپ، شوگر اور کرپٹ مافیا مجھے پارٹی سے نہیں نکال سکتا
تمام آئینی و قانون راستے اپناوں گا میری آواز عام ورکر کی آواز ہے.

حامد خان نے مزید کہا کہ حیرت ہے عامر کیانی آپ کرپشن الزامات کے باوجود تحریک انصاف کے سیکریٹری جنرل بن گئے بدنیتی پر مبنی نوٹس پہلے میڈیا کو دیا گیا

واضح رہے کہ پی ٹی آئی کے سینئر ممبر اور سپریم کورٹ کے وکیل حامد خان کو شوکاز نوٹس جاری کیا گیا تھا اور ان کی پارٹی کی بنیادی رکنیت منسوخ کردی گئی۔ ان پر الزام ہے کے انہوں نے پارٹی کو بدنام کیا اور پارٹی نظم و ضبط کی خلاف ورزی کی۔