اسپیکر پنجاب اسمبلی چوہدری پرویزالٰہی کی وزیراعلیٰ آفس آمد،وزیراعلیٰ پنجاب سردار عثمان بزدار سے ملاقات کی-
باغی ٹی وی : فریقین نے باہمی دلچسپی کے ا مور، سیاسی صورتحال اور بلدیاتی الیکشن کے حوالے سے تبادلہ خیال کیا بلدیاتی الیکشن میں مل کر حصہ لینے کے حوالے سے تفصیلی مشاورت کی-
وزیراعلیٰ عثمان بزدار نے مسلم لیگ(ق) کے سربراہ چوہدری شجاعت حسین کی خیریت دریافت کی اور چوہدری شجاعت حسین کی جلد صحت یابی کیلئے دعا
اور نیک تمناؤں کا اظہار کیا-
عوام کی حفاظت کرنے والے عوام کو مار رہے ہیں، زرداری، سرداری نظام قبول نہیں
عثمان بزدار نے کہا کہ نئے بلدیاتی نظام کے تحت نچلی سطح پرحقیقی معنوں میں اختیارات منتقل کیے جائیں گے اتحادی جماعت کے ساتھ مشاورت کا عمل جاری رہے گا مسلم لیگ(ق) ہماری اتحادی جماعت ہے اورہمارا اتحاد پہلے سے مضبوط ہے۔
عثمان بزدار نے کہا کہ صوبے کے عوام کوریلیف کی فراہمی کیلئے مل کر کام جاری رکھیں گے پاکستان مسلم لیگ (ق) کے ساتھ بہترین ورکنگ ریلیشن شپ ہے تنقید کی پروا ہ کئے بغیر عوام کی خدمت کے سفر کو مزید تیزی سے آگے بڑھائیں گے۔
سپیکر پنجاب اسمبلی چودہدی پرویزالٰہی نے کہا کہ خلوص نیت کے ساتھ اتحاد کو آگے بڑھا رہے ہیں حکومت کے اتحاد ی ہیں اور رہیں گے۔چودہدی پرویزالٰہی
بلدیاتی الیکشن میں مشترکہ امیدوار سامنے لانے کیلئے بات چیت آئندہ بھی جاری رہے گی-
چوہدری پرویز الٰہی نے وزیر اعلی عثمان بزدار کو ختم نبوتؐ کے حوالے فریم کردہ قرآن پاک کی آیت اور حدیث کا تحفہ دیا پرنسپل سیکرٹری وزیر اعلی عامر جان، سیکرٹری پنجاب اسمبلی محمد خان بھٹی اور متعلقہ حکام بھی اس موقع پر موجود تھے-
