اینٹی کرپشن عدالت لاہور نے پرویز الہی کے وکلاء کی استدعا پر فرد جرم گیارہ مارچ تک موخر کر دی،وکلاء کو دستاویزات کی نقول فراہم کرنے کا حکم دے دیا۔
اینٹی کرپشن عدالت لاہور کے جج ارشد حسین بھٹہ نے پنجاب اسمبلی میں غیر قانونی بھرتی کیس کی سماعت کی،پرویز الہی کو اڈیالہ جیل جبکہ محمد خان بھٹی کو گوجرانولہ جیل سے عدالت کے سامنے پیش کیا گیا،عدالت کی جانب سے فرد جرم عائد کرنے پر پرویز الٰہی کے وکلاء نے فرد جرم کو موخر کرنے کی استدعا کرتے ہوئے موقف اختیار کیا کہ عدالت نے ہمیں سننے سے پہلے ہی حکم سنا دیا،فرد جرم عائد ہونے پر ملزمان سے پوچھا جاتا ہے،ہماری ایک درخواست ہے پہلے اس پر فیصلہ کیا جاہے،عدالت آج فرد جرم عائد کرنے کا حکم واپس لے،عدالت نے ریمارکس دئیے کہ آپ کو تمام دستاویزات کی نقول فراہم کی جائیں گی،پرویز الہی کے وکیل نے بتایا کہ پہلے دستاویزات دی جائیں پھر فرد جرم کی کارروائی کی جائے،ہم دستاویزات پڑھ کر ہی فرد جرم پر بحث کر سکتے ہیں،عدالت آج فرد جرم کی کارروائی موخر کرے،عدالت نے پرویز الٰہی کے وکلاء کی استدعا منظور کرتے ہوئے فرد جرم عائد کرنے کی کاروائی گیارہ مارچ تک ملتوی کر دی،عدالت نے پرویز الٰہی کے وکلاء کو تمام دستاویزات کی نقول فراہم کرنے کا حکم دیتے ہوئے ریمارکس دئیے کہ آئندہ سماعت پر ہر صورت ملزمان پر فرد جرم عائد کر دی جائے گئی اور آئندہ سماعت پر کسی صورت سماعت ملتوی نہیں کی جائے گی،عدالت نے سماعت گیارہ مارچ تک ملتوی کردی۔
فارم 47 والے زیادہ دیر تک عوام کے مینڈیٹ پر قابض نہیں رہ سکیں گے،پرویز الہیٰ
پاکستان تحریک انصاف کے مرکزی صدر چودھری پرویزالٰہی نے اینٹی کرپشن عدالت میں پیشی کے بعد صحافیوں سے غیر رسمی گفتگو کرتے ہوئے کہا کہ فارم 45 کے مطابق این اے 64 کے رزلٹ میں قیصرہ الٰہی نے ایک لاکھ تریسٹھ ہزار نو سو چھبیس 163926 ووٹ حاصل کیے،مخالف امیدوار سالک حسین کو صرف بتیس ہزار تین سو بارہ 32312 ووٹ ملے،ٹی ایل پی کے امیدوارکو سترہ ہزار سات سو چوراسی 17784 ووٹ ملے،قیصرہ الٰہی کو سالک حسین پر ایک لاکھ اکتیس ہزار چھ سو چودہ 131,614 ووٹ کی لیڈ حاصل ہے،الیکشن کمیشن کی جانب سے جاری کردہ فارم 45 پر ٹمپرنگ تشویش ناک ہے، گجرات، اٹک، تلہ گنگ، منڈی بہاؤالدین سمیت ملک بھر میں پی ٹی آئی کے جیتے ہوئے امیدواروں کا رزلٹ ٹمپر کر کے ہروایا گیا،عوامی مینڈیٹ کی توہین کرکے ملک کو خوفناک بحران کی طرف دھکیلا جا رہا ہے،ہماری مخصوص سیٹیں پی ڈی ایم میں تقسیم کرکے الیکشن کمیشن نے ظلم اور ناانصافی کی انتہا کر دی ہے،الیکشن کمیشن کا یہ فیصلہ اس ایشو پر عدلیہ کے فیصلوں کی بھی خلاف ورزی ہے،موجودہ بحران سے نکلنے کا واحد راستہ عمران خان سے براہ راست اور بامقصد بات چیت ہے،جعلی مقدمات اور پی ٹی آئی کے اصل مینڈیٹ کی واپسی کے بغیر حکومت کی مفاہمت کی پیشکش کوئی معنی نہیں رکھتی،چیئرمین پی ٹی آئی واحد شخصیت ہیں جو ملک کو لیڈ کر سکتے ہیں،جعلی ووٹوں اور جعلی سیٹوں سے جعلی حکومت میں مصنوعی طور پر ہوا بھری جا رہی ہے،حکومت کے جعلی مینڈیٹ کا غبارہ بہت جلد پھٹ جائے گا،فارم 47 والے زیادہ دیر تک عوام کے مینڈیٹ پر قابض نہیں رہ سکیں گے،گجرات کے عوام اپنے مینڈیٹ کی واپسی تک چین سے نہیں بیٹھیں گے،اتوار کو عوام دھاندلی کے خلاف تاریخی احتجاج کریں گے،جعلی حکومت کے پاس معیشت، غربت، مہنگائی، بے روزگاری امن و امان کی بگڑتی ہوئی صورتحال کو کنٹرول کرنے کا کوئی فارمولا نہیں،اسمبلی میں لاڈلوں کی جھوٹی تقریریں عوام کے غصے کو کم نہیں کر سکتیں،موجودہ حکمران جعلسازی سے حکومت بنا کر بھی ذلیل ہو رہے ہیں،عمران خان اور پی ٹی آئی آج بھی پاکستان کی سب سے مقبول جماعت ہے،پنجاب کی عوام پر تجربے بند کیے جائیں ہمارے منصوبوں پر اپنی تختیاں لگا لیں لیکن عوامی منصوبوں کو چلنے دیں،
امریکا کی سپریم کورٹ نے اسقاط حمل کو غیر قانونی قرار دے دیا
طالبہ کے ساتھ جنسی تعلق،حمل ہونے پر پرنسپل نے اسقاط حمل کروا دیا
نوجوان جوڑے کو برہنہ کرنے کا کیس،عدالت نے لڑکے اور لڑکی کو کیا طلب
خواتین کو ویڈیو بنا کر ہراساں کرنے کا کیس، درخواست ضمانت پر آیا فیصلہ
ویڈیو بنا کر ہراساں کرنے کے ملزم کی درخواست ضمانت پر فیصلہ محفوظ
ناکے پر کیوں نہیں رکے؟ پولیس اہلکار نے شہری پر گولیاں چلا دیں
بارہ سالہ بچی کی نازیبا ویڈیو بنانے والا ملزم گرفتار
پریگنینسی میں خواتین کو متلی اور الٹی کیوں آتی ہے؟تحقیق
