اہم خبریں

پتہ نہیں اگلی سماعت پر میں آپ کے سامنے موجود بھی ہوں یا نہیں، شہباز گل کا عدالت میں بیان

3 سال قبل
3 سال قبل

پتہ نہیں اگلی سماعت پر میں آپ کے سامنے موجود بھی ہوں یا نہیں، شہباز گل کا عدالت میں بیان
باغی ٹی وی کی رپورٹ کے مطابق تحریک انصاف کے رہنما شہباز گل کی حفاظتی ضمانت کی درخواست پر اسلام آباد ہائی کورٹ میں سماعت ہوئی

شہباز گل خود عدالت میں پیش ہوئے،شہباز گل کی عدالت پیشی کے موقع پر ہاتھ پرپٹی بندھی ہوئی تھی،اسلام آباد ہائی کورٹ کے چیف جسٹس اطہر من اللہ نے کیس کی سماعت کی ،شہباز گل نے کہا کہ میرا آپ سے پہلا رابطہ وکلا تحریک میں ہوا تھا، ہر روز مظاہرے میں شامل ہوتا تھا، ہمیشہ قانون کا احترام کیا، پولیس کی لاٹھی سے انگلی ٹوٹ گئی تھی، ٹاٹ والے اسکول سے پڑھ کر امریکا کی دوسری بڑی یونیورسٹی میں جا کر پڑھایا،حکومت کے خاتمے پر جس پہلے بندے پر حملہ ہوا وہ میں ہوں، مریم نواز کا بیان موجود ہے کہ انہیں کچلنا چاہیے،پتہ نہیں اگلی سماعت پر میں آپ کے سامنے موجود بھی ہوں یا نہیں، جس پر اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ آپ ایسا نہ کہیں

شہباز گل نے عدالت میں کہا کہ کبھی کسی کے خلاف مقدمہ درج نہیں کرایا، پیکا آرڈیننس کا سہارا بھی نہیں لیا،آپ کا فیصلہ قانون کے مطابق ہوتا ہے،حق میں ہوں یا خلاف ان کے ساتھ کھڑا ہوا، اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ ہم تنقید کو ویلکم کرتے ہیں لیکن آئین اور اداروں کا احترام نہیں ہو گا تو پھر افراتفری ہو گی،سب اپنے آپ سے سوال پوچھیں کہ کیا ہم نے وکلا تحریک کے مقاصد حاصل کیے؟ اگر ساری چیزیں سیاسی بیانیے پر چلنی ہیں تو اس کا اختتام انتشار پر ہی ہو گا، شہباز گل نے کہا کہ سیاسی جماعتیں رائے عامہ ہموار کرتی ہیں، پولیٹیکل لیڈر کا بہت بڑا کردار ہوتا ہے،

عدالت نے شہباز گل کے کیس کو توہین مذہب کے دیگر کیسز کے ساتھ منسلک کرنے کا حکم دے دیا،عدالت نے شہباز گل کو آئندہ سماعت پر پیشی سے استثنیٰ دے دیا شہباز گل کو گرفتاری سے روکنے کے حکم میں 9 مئی تک توسیع کر دی گئی.

علاوہ ازیں حافظ آباد میں موٹر وے ایم ٹو پر پی ٹی آئی کے رہنما شہباز گِل کی گاڑی کو ٹکر مارنے کے الزام میں مقدمہ درج کرکے ایک ملزم کو حراست میں لے لیا ہے شہباز گِل کے ساتھی جابر علی کی جانب سے درج کروائی گئی ایف آئی آر میں کہا گیا ہے کہ شہباز گِل کو جان سے مارنے کی نیت سے گاڑی کو ٹکر ماری گئی مدعی مقدمے کا کہنا ہے کہ حادثے میں شہباز گِل سمیت 4 افراد زخمی ہوئے اور شہباز گل کی گاڑی قلابازیاں کھاتے ہوئے الٹ گئی، جس کے بعد ٹکر مارنے والی گاڑی میں سوار ملزمان فرار ہو گئے اصل ملزمان اور منصوبہ ساز ملزمان کو بے نقاب کیا جائے

[wp-embedder-pack width=”100%” height=”400px” download=”all” download-text=”” attachment_id=”490843″ /]

عدالت پیشی کے موقع پر شہباز گل کا کہنا تھا کہ عمران خان نے جس تحریک کی بنیاد رکھی تھی وہ خودداری اور انصاف تھا میں نے اپنے کسی مخالف کے خلاف مقدمہ درج نہیں کرایا، بدتمیزی کی زبان استعمال کرنے کیخلاف سخت زبان استعمال کرتا ہوں کہتے تھے کہ وقت آنے پر میں سب سے پہلے بھاگ جاوں گا،بیگ لےکر نہیں بھاگا،بیساکھی لے کر بھی عمران خان کے ساتھ کھڑا ہوں،میں دھمکیاں سن کر سر جھکانے سے انکار کرتا ہوں،لاہور سے واپس آتے ہوئے میری گاڑی کو ہٹ کیا 7 لوگ مجھے قتل کرنا چاہتے ہیں، دھمکیاں بھی دی گئیں،اگر مجھے قتل کیا گیا تو یہ 7 لوگ ذمہ دار ہوں گے،ان7افراد کے نام میں نے اپنے وکیل کو لکھ کر دیئے ہیں،اگر مجھے کچھ ہوا وہ لوگ ذمہ دار ہوں گے جن کے نام میں لکھ کر دیا ہے

دوسری جانب شہباز گل کی گاڑی کو ٹکر مارنے والا وجاہت علی نامی شخص گرفتار کر لیا گیا ، ملزم نے پولیس کو بیان دیتے ہوئے کہا کہ میرا کسی سیاسی جماعت سے تعلق نہیں واقعہ خالصتاً ایک حادثہ تھا۔ حادثے کے وقت گاڑی چلانے والا شخص وجاہت علی تھا اس نے یہ گاڑی طاہر نذیر سے کرائے پر لی تھی

قبل ازیں شہباز گل کا کہنا تھا کہ شہباز شریف نے مجھ پر حملے کی تحقیقات کی جو کمیٹی بنائی اسی کے رکن SP نے بجائے حملے کی تفتیش کرنے کے میرے سٹاف کے بندے جو شدید زخمی ہیں اسی کو اپنا بیان بدلنے کے لئے دھمکیاں دینا شروع کر دیں۔اس قسم کی تحقیقات قابل شرم اور قابل مذمت ہیں۔ماڈل ٹاؤن کے قاتلوں سے اور توقع بھی کیا ہے

قبل ازیں وزیراعظم شہباز شریف نے سابق معاون خصوصی کو پیش آنے والے حادثے کی تحقیقات کرانے کا حکم دیتے ہوئے متعلقہ حکام کو ہدایت کی کہ انصاف کے تمام تقاضے پورے کئے جائیں۔انہوں نے ڈاکٹر شہباز گل اور ان کے ہمراہیوں کے زخمی ہونے پر ہمدردی اور افسوس کا اظہار کرتے ہوئے بہترین طبی امداد کی فراہمی کی ہدایت کی۔

پاکستان تحریک انصاف کے رہنما اور سابق معاون خصوصی ڈاکٹر شہباز گل نے کہا ہے کہ مجھ پر قاتلانہ حملہ کروانے والوں کو بتانا چاہتا ہوں اپنے مولا اور قوم کی دعاؤں کی وجہ سے زندہ ہوں، یہ ایک منصوبے کے تحت کیا گیا۔خیال رہے کہ شہباز گل کی گاڑی موٹروے پر حادثے کا شکار ہوگئی جس میں وہ زخمی ہوئے۔

مسجد نبوی میں نازیبا نعرے، مولانا طارق جمیل بھی خاموش نہ رہ سکے

مسجد نبوی واقعہ توہین رسالت کے زمرے میں‌ آتا ہے، مبشر لقمان کے فین کی قوم سے اپیل

مسجد نبوی کو جلسہ گاہ بنانیوالو شرم کرو، بے حرمتی کا سازشی پکڑا گیا، مبشر لقمان پھٹ پڑے

مسجد نبوی میں نازیبا نعرے، رانا ثناء اللہ نے بڑا اعلان کر دیا

سینکڑوں پیغامات موصول ہوئے کہ حکومت ایکشن کیوں نہیں لے رہی۔ مریم نواز کا ردعمل

سعودی عرب میں گرفتاریوں کی ویڈیو

شیخ رشید کے بھتیجے شیخ راشد شفیق مسجد نبوی میں واقعہ کی خود نگرانی کرتے رہے

توہین مسجد نبوی ٫عمران خان۔ شیخ رشید٫فواد چودھری پر مقدمہ درج

تمام مکاتب فکرکو اکٹھا کرکےعمرانی فتنے کا خاتمہ کرنا ہوگا،جاوید لطیف

شہباز گل کو امریکہ سے واپسی پر گرفتار نہ کرنے کا حکم

ٹیگز:
Shares:

مزید خبریں