بنگلادیش کےخلاف ٹیسٹ سیریزکےلئےقومی ٹیم کااعلان،اظہرعلی پھرکپتان بن گئے

پاکستان نےبنگلا دیش کےخلاف ٹیسٹ سیریزکےلیے 16 رکنی اسکواڈ کااعلان کردیا۔اطلاعات کےمطابق بنگلادیش کےخلاف ٹیسٹ سیریزکےلئےقومی ٹیم کااعلان کردیا گیا ہے اوراس مرتبہ اظہرعلی پھرکپتان بن گئے

لاہورکے قذافی اسٹیڈیم میں پریس کانفرنس کرتے ہوئے قومی ٹیم کے ہیڈکوچ وچیف سلیکٹر مصباح الحق نے بنگلادیش کے خلاف ٹیسٹ سیریز کے لیے اسکواڈ کا اعلان کردیا ۔بنگلادیش کے خلاف ٹیسٹ سیریز کے لیے 16 رکنی اسکواڈ میں کپتان اظہرعلی، عابد علی، اسد شفیق، بابراعظم، بلال آصف، فہیم اشرف ، حارث سہیل، امام الحق، عمران خان ، محمد عباس، محمد رضوان، نسیم شاہ، شاہین شاہ آفریدی، شان مسعود اور یاسر شاہ شامل ہیں۔

چیف سلیکٹر قومی ٹیم نے کہا کہ ٹیسٹ کرکٹ میں تجربہ کار کھلاڑیوں کو شامل کیا جاتا ہے اور بنگلا دیش کے خلاف سیریز کے لیے کنڈیشن کو مد نظر رکھتے ہوئے ٹیم میں دو تبدیلیاں کی ہیں۔ واضح رہےکہ پاکستان اوربنگلہ دیش کےدرمیان پہلا ٹیسٹ میچ 7فروری سے11 فروری تک راولپنڈی اسٹیڈیم میں کھیلا جائےگا۔