پی سی بی میں اکھاڑ پچھاڑ جاری، منیجر بھی فارغ ، اہم وجہ سامنے آگئی
لاہور : پاکستان کرکٹ بورڈ نے ٹیم کوچز کے ساتھ مینجر طلعت علی کا نام بھی پی سی بی ویب سائٹ سے ہٹا دیا۔ تفصیلات کے مطابق ورلڈکپ کے بعد جہاں پاکستان کرکٹ بورڈ کو قومی ٹیم کے لئے نئے کوچز کی تلاش ہے وہیں بورڈ نے ٹیم کے لیے نئے منیجر کی تلاش شروع کردی ہے،
ذرائع کے مطابق بورڈ حکام نے ٹیم کوچز کے ساتھ مینجر طلعت علی کا نام بھی پی سی بی ویب سائٹ سے ہٹا دیا ہے، بورڈ ذرائع کے مطابق طلعت علی کا معاہدہ ورلڈ کپ تک تھا، اس سلسلے میں بورڈ حکام نے ٹیم انتظامیہ میں صرف مینجر کا عہدہ شامل کرنے کا فیصلہ کیا اور منیجمنٹ کی تمام ذمہ داریاں منیجر ہی نبھائے گا۔
