احتساب عدالت لاہور میں پرویز الہٰی کے خلاف گجرات منصوبوں میں مبینہ کرپشن کیس کی سماعت ہوئی
چوہدری پرویز الہٰی کو سخت سیکورٹی میں عدالت پیش کیا گیا،نیب کی جانب سے چوہدری پرویز الہٰی کا 14 دن کا جسمانی ریمانڈ مانگا گیا تو عدالت نے دوران سماعت چوہدری پرویز الہٰی کو روسٹرم پر بلا لیا،جج نے کہا کہ آپ کو کھڑے ہونے میں مسئلہ تو نہیں جس پر پرویز الہٰی کے وکیل نے کہا کہ کھڑے ہونے میں مسئلہ ہے ،جج نے کہا کہ اس پر جج نے کہا کہ آپ بے شک بیٹھ جائیں۔
چوہدری پرویز الہٰی نے عدالت میں کہا کہ مجھے کچھ گزارشات کرنی ہیں پھر بیٹھ جاؤں گا میں گھر پر تھراپی کراتا تھا وہ بند کردی گئی ہے اور فیملی سے ملاقات بھی بند کردی گئی ہے بلڈ ٹیسٹ اور آنکھوں کا ٹیسٹ بھی ضروری ہے میری عمر 77 سال ہے اور مجھے 3 اسٹنٹ ڈلے ہوئے ہیں. استدعا ہے آپ اس پر حکم جاری کریں، اللّٰہ تعالیٰ کے بعد آپ کی عدالت ہے
عدالت میں پراسیکیوٹر نے کہا کہ پرویز الہٰی نے ان 15 دن میں تفتیش میں تعاون نہیں کیا شاید یہ سوچ رہے تھے کہ یہ رک جائے گا جب یہ وزیراعلیٰ بنے تو انہوں نے 200 اسکیموں کی لسٹ بنائی اور ان اسکیموں کی قواعد سے ہٹ کے منظوری کرائی گئی ان منصوبوں میں خورد برد ہوئی اوران کی کوالٹی بھی ٹھیک نہ تھی مہر عظمت کے ذریعے ان منصوبوں پر عملدرآمد ہو رہا تھا اس وقت کے سیکریٹری سی اینڈ ڈبلیو نے بھی یہی بیان دیا پرویز الہٰی کا 3 لوگوں پر اعتبار تھا جو سب کچھ کرتے تھے، ایک مونس الہٰی، دوسرے محمد خان بھٹی اور تیسرے مہر عظمت تھے۔ مہر عظمت ہمارے وعدہ معاف گواہ بن گئے ہیں
چوہدری پرویز الٰہی کا احتساب عدالت نے مزید چار روزہ جسمانی ریمانڈ منظور کر لیا،عدالت نے دو ستمبر کو چوہدری پرویز الٰہی کو دوبارہ عدالت پیش کرنے کی ہدایت کر دی
دوسری جانب پرویز الٰہی نے نیب کے ہاتھوں گرفتاری کو لاہور ہائیکورٹ میں چیلنج کر دیا ،پرویز الٰہی کی درخواست میں آئی جی پنجاب ، نیب ، ایف آئی اے سمیت دیگر فریق ہیں، درخواست میں موقف اختیار کیا گیا ہے کہ نیب نے غیر قانونی طور پر وارنٹ گرفتاری جاری کر کے گرفتاری ڈالی ۔نیب نے انکوائری کو بھی انوسٹی گیشن میں غیرقانونی طور پر اپ گریڈ کیا۔نیب نے کال اپ نوٹس دیا نہ ہی اپنا بیان جمع کرانے کے لیے مہلت دی۔لاہور ہائیکورٹ نیب کی جانب سے کی گئی گرفتاری کالعدم قرار دے۔عدالت پرویز الٰہی کی کسی بھی خفیہ مقدمے میں گرفتاری روکنے کا حکم جاری کرے۔
پی ٹی آئی کی اندرونی لڑائیاں۔ فواد چوہدری کا پرویز الٰہی پر طنز
خدشہ ہے کہ پرویز الٰہی کو گرفتار کر لیا جائیگا
پرویز الہیٰ کے خلاف ایک اور مقدمہ درج کر لیا گیا ،
