پہلی ترجیح کسان ، دوسرا ماحولیاتی آلودگی سے پاک صنعتکاری کا فروغ ہے جمشید اقبال چیمہ

وزیراعظم کے معاون خصوصی فوڈ سکیورٹی جمشید اقبال چیمہ کا پاکستان کراپ پروٹیکشن ایسوسی ایشن کے ممبران سے خطاب

باغی ٹی وی :جمشید اقبال چیمہ نے خطاب میں کہا کہ زراعت کیلئے آئندہ مالی سال میں رواں مالی سال سے سات گنا زیادہ بجٹ رکھا گیا،
پورے پاکستان میں کپاس کی 9 ملین گانٹھ کا ہدف ہے جسے حاصل کریں گے –

معاون خصوصی فوڈ سکیورٹی نے کہا کہ پی سی پی اے کی تجاویز کو وزیراعظم کے سامنے پیش کروں گا، مثبت تجاویز سے استفادہ کرینگے –

جمشید اقبال چیمہ نے کہا کی شوگر، ٹیکسٹائل، پیسٹی سائیڈ، فلور ملز، رائس ملز انڈسٹری کو پروموٹ کریں گے سابقہ دور میں کسانوں کا بری طرح استحصال کیا گیاجس سے زراعت کا نقصان ہو ا،وزیراعظم عمران خان کسانوں، یونیورسٹی پروفیسرز ، ریسرچرز سے ملاقاتیں کرینگے-

جمشید اقبال چیمہ نے مزید کہا کہ عمران خان بھٹو جیسا نہیں جس نے ایک ہی دن میں ساری انڈسٹری کو نیشنلائز کر دیا،ہماری حکومت نے سبسڈی کے لئے 680 ارب روپے کے خطیر فنڈز مختص کئے-

معاون خصوصی فوڈ سکیورٹی گندم ، گنے کی امدادی قیمت مقرر کی جاتی ہے ،باقی ساری فصلیں اوپن ہیں ، سابقہ دور میں گنے کی کم قیمت دے کر کسان کی جیب پر90 ارب کا ڈاکہ ڈالا گیا-

پہلی ترجیح کسان ، دوسرا ماحولیاتی آلودگی سے پاک صنعتکاری کا فروغ ہے ،حکومت نے اس مقصد کے لئے آئندہ مالی سال میں 10ارب روپے مختص کئے ہیں،آئندہ ملک میں سولر، ہائیڈرل اور ماحول دوست انرجی پلانٹ لگائے جائیں گے-

پہاڑوں پر 8 ارب لاگت سے زیتون کے41 لاکھ پودے لگائے ، ملک بھر میں900 اسٹورز بنا رہے ہیں جہاں کسان اپنی فصل محفوظ کر سکے گا ،پانچ ایکڑ رقبے پر 30 فیصد کسان اور باقی بغیر سود کے حکومت فنڈز دے گی-

مشینری ورکشاپس بنائی جا رہی ہیں، فوڈ پروسیسنگ کیلئے انتظامات کئے جا رہے ہیں،کم درجہ حرارت والے علاقوں میں کسانوں کو60 ٹن سویا بین کا بیج دیا ہے ،ڈیرہ اسماعیل خان کو دالوں کی مارکیٹ بنا رہے ہیں،فاٹا میں ریسرچ سنٹرز بنا رہے ہیں،ساحل کے ساتھ فش فارمزبنائیں گے تاکہ پیداوار میں اضافہ ہو-