پیمرا نے عمران خان کو کوریج دینے پر مکمل پابندی عائد کر دی

باغی ٹی وی کی رپورٹ کے مطابق تحریک انصاف کے چیئرمین عمران خان آج اسلام آباد عدالت پیش ہونے جا رہے ہیں دوسری جانب لاہو رمیں پولیس کا زمان پارک میں آپریشن جاری ہے

ایسے میں پیمرا پھر حرکت میں آیا ہے، پیمرا نے عمران خان کی کوریج پر پابندی لگا دی ہے پیمرا نے جوڈیشل کمپلیکس سمیت اسلام آباد میں عوامی ریلیوں کی لائیو اور ریکارڈڈ کوریج پر پابندی عائد کی ہے۔پیمرا کی جانب سے ٹی وی چینلز کو کہا گیا ہے کہ اگر عمران خان کی کوریج کی اور پیمرا کی جانب سے جاری ہدایت نامے کو نہ مانا گیا تو ٹی وی چینل کے خلاف قانونی کاروائی کی جائے گی

پیمرا کی جانب سے 18مارچ 2023 کو جاری کیے گئے خط کے مطابق پیمرا آرڈینینس 2002 کے سیکشن 27 کے تحت لائیو کوریج پر پابندی عائد کی گئی ہے پیمرا کے مطابق اسلام آباد کیپٹل ٹیریٹری میں امن و امان/سکیورٹی کی صورتحال کے حوالے سے قانون نافذ کرنے والے ادارے سے موصول ہونے والے 18-03-2023 کے خط کے حوالے سے یہ پابندی عائد کی گئی ہے پیمرا خط میں کہا گیاہے کہ تشویش کے ساتھ دیکھا گیا ہے کہ سیٹلائٹ ٹی وی چینلز پرتشدد ہجوم، پولیس اور قانون نافذ کرنے والے اداروں پر حملوں کی لائیو فوٹیجز تصاویر دکھا رہے ہیں لاہور میں سیاسی جماعتوں کے کارکنوں اور قانون نافذ کرنے والے اداروں کے درمیان حالیہ تعطل کے دوران ایسی فوٹیجز تصاویر ٹی وی اسکرینوں پر بغیر کسی ادارتی نگرانی کے دکھائی گئیں جس میں پرتشدد ہجوم نے پیٹرول بموں کا استعمال کیا، پولیس اہلکاروں کو زخمی کیا اور پولیس کی گاڑیوں کو آگ لگا دی۔ مختلف سیٹلائٹ ٹی وی چینلز پر ایسی فوٹیجز کی براہ راست نشریات نے ناظرین اور پولیس میں افراتفری اور خوف و ہراس پھیلا دیا ہجوم کے ذریعہ اس طرح کی سرگرمی نہ صرف امن و امان کی صورتحال کو خطرے میں ڈالتی ہے بلکہ عوامی املاک اور جانوں کو بھی خطرے میں ڈالتی ہے۔اس طرح کے مواد کو نشر کرنا سپریم کورٹ کے فیصلے کی خلاف ورزی ہے جو 2018 کے سوموٹو کیس نمبر 28 میں پی ایل ڈی 2019 سپریم کورٹ 1، پیمرا آرڈیننس، 2002 کے سیکشن 20 کے بطور پیمرا (ترمیمی) ایکٹ میں ترمیم کی گئی ہے،مجاز اتھارٹی پیمرا آرڈیننس 2002 کے سیکشن 27(a) کے تحت حاصل اختیارات کا استعمال کرتے ہوئے اس طرح کسی بھی پارٹی کی طرف سے کسی بھی قسم کی ریلی، عوامی اجتماع، جلوس کی لائیو/ریکارڈ کوریج بشمول جوڈیشل کمپلیکس، اسلام آباد سے لائیو کوریج پر پابندی لگاتی ہے۔ عدم تعمیل کی صورت میں بغیر شوکاز نوٹس لائسنس معطل کردیا جائے گا

واضح رہے کہ عمران خان آج صبح زمان پارک لاہور سے اسلام آباد روانہ ہوئے تھے، کارکنان کی بڑی تعداد بھی ان کے ساتھ اسلام آباد چلی گئی تھی ، عمران خان آج عدالت میں پیش ہوں گے

اسلام آبادم پنڈی، کراچی، صادق آباد و دیگر شہروں میں مقدمے درج 

عدالت نے کہا کہ میں کیوں ایسا حکم جاری کروں جو سسٹم ہے اسی کے مطابق کیس فکس ہوگا،

عمران خان نے باربار قانون کی خلاف ورزی کی جس پر انہیں جواب دینا ہوگا

چیف جسٹس عامر فاروق نے ریمارکس دیتے ہوئے کہا کہ جو کچھ ہو رہا ہے وہ آپ کا اپنا کیا دھرا ہے