توشہ خانہ کیس اور پنڈورا بکس میں نام آنے پر عمران خان مستعفی ہوں احسن اقبال

مسلم لیگ ن کے سینئیر رہنمااحسن اقبال نے پینڈورا اسکینڈل اور توشہ خانہ کیس پر وزیر اعظم عمران خان سے استعفے کا مطالبہ کر دیا –

باغی ٹی وی : تفصیلات کے مطابق احسن اقبال نے وزیر اعظم عمران خان پر تنقید کرتے ہوئے کہا ہے کہ پینڈورا بکس نے عمران خان کا پنڈورا بکس کھول دیا ہے کرپشن کے خلاف مہم چلانے والا شخص بیرون ملک سے ملے تحائف چھپا رہا ہے۔

انہوں نے کہا کہ پنڈورا بکس نے ایمانداروں کی شرافت سے پردہ اٹھا دیا ہے توشہ خانہ کیس اور پنڈورا بکس میں نام آنے پر عمران خان مستعفی ہوں عمران خان دوبارہ پارلیمنٹ سے دوبارہ اعتماد کا ووٹ لیں۔

احسن اقبال کا کہنا تھا کہ ملک میں مہنگائی حکومتی ناقص پالیسیوں کی وجہ سے ہے آج پاکستان کے عام شہری کی زندگی کو جہنم بنا دیا ہے ۔ 25 سے 30 ہزار روپے تنخواہ لینے والا گھر کے اخراجات پورے نہیں کر سکتا۔ آنے والے دنوں میں مہنگائی میں مزید اضافہ ہو گا

ستمبر میں مہنگائی سال کی بلند ترین شرح پر رہی ادارہ شماریات

ن لیگی رہنما کا کہنا تھا کہ عمران خان نے لیپ ٹاپ پر بڑے بڑے لوگوں کو سبز باغ دکھائے حکومتی پالیسیوں کی وجہ سے پاکستان کی معیشت سسک رہی ہے۔ حکمران ای وی ایم استعمال کرکے عوام کے ووٹ چرانا چاہتے ہیں-

Are you ready for the #PandoraPapers?

This new investigation is our most expansive exposé of financial secrecy yet. Coming tomorrow at 12:30 p.m. EDT, 4:30 p.m. GMT., it features reporting from more than 600 journalists from 150 media outlets in 117 countries across the globe. pic.twitter.com/Ew0CnVInh9

— ICIJ (@ICIJorg) October 2, 2021

یاد رہے کہ تحقیقاتی صحافیوں کے بین الاقوامی کنسورشیم (آئی سی آئی جے) نے پنڈورا پیپرز کے نام سے نئے انکشافات کا اعلان کر دیا ہے نامور شخصیات کے مالی امور کی تحقیق میں دنیا بھر کے 600 سے زائد رپورٹرز اور 117 ملکوں کے 150 میڈیا اداروں نے حصہ لیا آئی سی آئی جے نے بتایا کہ پینڈورا پیپرز پاناما پیپرز سے بھی بڑا انکشاف ہو گا۔

پاکستان میں 53 ویں انٹرنیشنل ملٹری چیمپئن شپ کا انعقاد