ستمبر میں مہنگائی سال کی بلند ترین شرح پر رہی ادارہ شماریات

ستمبر میں مہنگائی سال کی بلند ترین شرح پر رہی-

باغی ٹی وی : تفصیلات کے مطابق ادارہ شماریات کے مطابق مہنگائی کی شرح 9 فیصد ہوگئی ہے ستمبر میں مہنگائی رواں مالی سال کی بلند ترین سطح 8.98 فیصد پر پہنچ گئی۔ شہروں میں 9.13 فیصد اور دیہات میں مہنگائی کی شرح 8.77 فیصد رہی۔

ادارہ شماریات کے مطابق ستمبر میں شہروں میں چکن 42.4 فیصد، پیاز 32.49 فیصد، دال مسور 15.7، انڈے 14.6، آٹا 9.69 فیصد اور گندم 7.3 فیصد مہنگی ہوئی۔

رپورٹ کے مطابق سرسوں کا تیل 4.56 فیصد، سبزیاں 3.9 فیصد، کوکنگ آئل 3.64 فیصد، چینی 3.04 فیصد، چائے 2.78 فیصد، مٹن 2 فیصد اور بجلی 11.40 فیصد مہنگی ہوئی۔

واضح رہے کہ اس وقت ملک میں مہنگائی عروج پرہے اوراس کے ساتھ ساتھ پٹرولیم مصنوعات کی قیمتوں میں بڑی تیزی سے اضافہ ہورہا ہے جس سے متعلق ایک ایسی تجویزسامنے آئی ہےکہ اگراس پرعمل کیا جائے تواس قوم کو دوبڑی خوشیاں نصیب ہوں گی-

تجویز دینے والے نے جوبنیادی نقطہ سمجھایا ہے اس کے مطابق اگرحکومت سیگریٹ پرہیلتھ لیوی بڑھا دے تو پھریقینا اس کے نتیجے میں جوحکومت پٹرولیم منصنوعات کی قیمتیں برھا کرلیوی لیتی ہے وہ نہ لینا پڑے ادھر اس حوالے سے یہ بھی معلوم ہواہے کہ یہ بہتری ہونے میں کچھ محکمہ صحت کے اہلکار ہی رکاوٹ ہیں-

پیٹرول کی قیمتوں میں اضافہ کرکے قوم سے مسکراہٹ بھی چھین لی گئی ،مائزہ حمید