پاکستان پیپلزپارٹی نے ذولفقار بھٹو کی پھانسی کیخلاف صدارتی ریفرنس پر سپریم کورٹ میں سماعت شروع کرنے کا مطالبہ کر دیا ہے۔ لاہور ہائیکورٹ بار کے ڈاکٹر جاوید اقبال آڈیٹوریم میں پیپلز لائرز فورم کے زیر اہتمام یوم سیاہ کے موقع پر سیمنار منعقد کیا گیا.
منی لانڈرنگ کیس: مونس الہٰی کی عبوری ضمانتوں میں 14 جولائی تک توسیع

سیمینار سے خطاب کرتے ہوئے شہزاد سعید چیمہ،چودھری اسلم گل ،خرم۔لطیف کھوسہ،راجہ اسرار عباسی،اصف بٹ،میاں شاہد عباس اور خاور کھٹانہ کا کہنا تھا کہ آج عدم برداشت اور انتہا پسندی کو جنم دینے والی سوچ کو شکست دینے کی ضرورت ہے۔ غیر جمہوری عناصر کے پاس صرف الزام تراشی کا ہتھیار ہوتا ہے تاکہ جمہوری سوچ کو دبایا جائے۔

امریکی اہلکار سے معذرت ،دوغلی پارٹی کا مکروہ چہرہ سامنے آ گیا،حسن مرتضیٰ

پیپلز لائرز فورم کے زیر پاکستان میں سیاسی استحکام کےعنوان سے سیمنار سے خطاب کرتےہوئےسیکرٹری اطلاعات پاکستان پیپلز پارٹی وسطی پنجاب شہزاد سعید چیمہ نے آمر ضیاء کی جانب سے شہید ذولفقار علی بھٹو کی جمہوری حکومت گرانے کے وقت کو یاد کرتے ہوئے کہاکہ "4 اور 5 جولائی 1977 کی درمیانی شب ظلمت کی تعفن زدہ سیاہ رات تھی جو ایک خوبصورت منور صبح کو نگل گئی۔پاکستان پیپلز پارٹی کی تاریخ جمہور،ائین اور قانون کی تاریخ ہے,

پاکستان پیپلزپارٹی لاہور کے صدر اسلم گل کا کہنا تھا کہ ذولفقار بھٹو اور بے نظیر بھٹو نے سیاسی استحکام کے لیے اپنی جانوں کے نذرانے پیش کیے,جمہوری نظام کی آبیاری میں پیپلز پارٹی کا خون شامل ہے,,آج بھی ہمارا یہی نعرہ ہے کہ جمہوریت ہی بہترین انتقام ہے۔انہوں نے کہا کہ جمہوری نظام کی آبیاری میں پیپلز پارٹی کا خون شامل ہے۔دیگر مقررین کا کہنا تھا کہ ملک میں سیاسی استحکام کے لیے پاکستان پیپلزپارٹی کی قربانیاں سب سے زیادہ ہیں,آصف علی زرداری نے بے نظیر کی شہادت کے بعد انتشار کی بجائے پاکستان کھپے کا نعرہ لگایا۔پاکستان پیلیز پارٹی جمہوری روایات کی پاسدار ہے.تقریب کے اختتام میں ذولفقار علی بھٹو کی پھانسی کیخلاف صدارتی ریفرنس پر جلد فیصلہ کرنے کےلیے قرارداد بھی پاس کی گئی.