صدر مملکت نے پشاور ہائیکورٹ میں 3 ایڈیشنل ججز کی مستقلی کی منظوری دیدی

صدر مملکت عارف علوی نے پشاور ہائیکورٹ میں 3ایڈیشنل ججز کی مستقلی کی منظوری دے دی-

باغی ٹی وی : تفصیلات کے مطابق صدر مملکت کی جانب سے جسٹس کامران حیات میاں خیل ، جسٹس محمد اعجاز خان اور جسٹس محمد فہیم ولی کی بطور ایڈیشنل ججز مستقلی کی منظوری دی گئی-

صدرمملکت عارف علوی نے پشاور ہائیکورٹ میں ججز کی مستقلی کی منظوری آئین آرٹیکل 175 اے 13 کے تحت وزیر اعظم کی ایڈوائس پر دی-

دوسری جانب الیکشن کمیشن کی جانب سے ضمنی انتخابات کے کاغذات نامزدگی جمع کرنے والے امیدواروں کی فہرست جاری کر دی گئی ہے،الیکشن کمیشن خیبرپختونخوا کے مطابق خیبر پختونخوا سے8 قومی اسمبلی کی نشستوں پر 79 امیدواروں نے کاغذات نامزدگیاں جمع کیں،امتیاز علی شاہ گولڈ میڈلسٹ ہیں، انہیں 9 امیدواروں میں سے منتخب کیا گیا-

الیکشن کمیشن کے مطابق این اے 4 سوات 9،این اے 38 ڈیرہ اسما عیل خان پر 13امیدواروں نے کا غذات جمع کروائے،این اے17ہر ی پور8،این اے18صوابی 11، این اے32کو ہاٹ پر7امیدواروں نے کا غذات جمع کر وائے،این اے25 نوشہرہ ون 9، حلقہ این اے26 نوشہرہ ٹو پر12امیدواروں نے کا غذات جمع کر وائے،قومی اسمبلی کے حلقہ این اے43خیبر پر10امیدواروں نے کا غذات جمع کروائے ہیں-

الیکشن کمیشن کے پی کے مطابق 13فروری تک کاغذات جانچ پرتال کی جا ئے گی،23کو حتمی فہرست اور انتخابی نشانات الاٹ ہوں گے-