فون چھیننے پر طالبہ نے ہاسٹل کو آگ لگا دی،19 طالبات ہلاک

جنوبی امریکی مُلک گیانا میں لڑکیوں کے ہاسٹل میں آتشزدگی کے نتیجے میں منیجرسمیت 19 طالبات ہلاک ہو گئیں-

باغی ٹی وی : میڈیا رپورٹ کے مطابق آتشزدگی میں اپنی جان گنوانےوالوں میں تمام نابالغ تھے پولیس نے اس واقعے کو انتظامیہ کے موبائل چھیننے پر لڑکی کی جانب سے انتقامی کارروائی قراردیا ہے۔

مشرق وسطیٰ کیلئے نئی قومی دفاعی حکمت عملی کا مقصد لاکھوں امریکی فوجیوں کو نکالنا …

سرکاری اہلکار کے مطابق ہاسٹل انتظامیہ نے جب لڑکی کا موبائل فون ضبط کیا تھا تو اس نے اسی روز شام میں عمارت کو آگ لگانے کی دھمکی دی تھی جسے سب نے سُنا تھا موبائل چھینے جانے کے بعد طالبہ رات کے وقت بیت الخلا میں گئی اور وہاں پردے پر کیڑے مار دوا چھڑک کر ماچس سے آگ لگا دی جس نے عمارت کو اپنی لپیٹ میں لے لیا۔

آتشزدگی سے جھلسنے والی کئی طالبات کو طبی امداد کے لیے اسپتال منتقل کردیا گیا فائر فائٹرز نے مبینہ طور پر مرنے والے بچوں میں سے کچھ کو ایک کونے میں اکٹھا پایا۔

امریکی صدرکو قتل کی دھمکی دینے والا بھارتی نژاد نوجوان گرفتار

مقامی میڈیا کے مطابق صرف ایک فائر انجن نے آگ پر ردعمل ظاہر کیا، جس میں بار بار پانی ختم ہونے پراسے دوبارہ بھرنے کے لیے جانا پڑا –

گیانی کے صدرعرفان علی نے کہا کہ یہ ایک بڑی آفت ہے۔ یہ خوفناک اور تکلیف دہ ہے-

فائر ڈپارٹمنٹ نے ایک بیان میں کہا، "چودہ نوجوانوں کی جائے وقوعہ پر موت ہو گئی، جبکہ پانچ کی موت مہدیہ ڈسٹرکٹ ہسپتال میں ہوئی دو بچوں کی حالت تشویشناک ہے، جب کہ واقعے کے نتیجے میں چار شدید زخمی ہیں حکومت نے پہلے کہا تھا کہ 20 افراد ہلاک ہوئے ہیں۔

پولیس نے 48 سال بعد لڑکی کے قتل کا سراغ لگالیا مگر ملزم اب دنیا …